شو جديد؟ كافيه شرقي مع قعدة خضار بنص الأشرفية

لكل اللي بيحبوا يقعدوا بالكافيهات، رح تحبو كتير هالمطرح الجديد ببيروت! Cafe D’Orient فتح بشارع مار نقولا بالأشرفية، هو عبارة عن مطعم وكافيه روعة رح يخلي صباحكن ببيروت أجمل وأحلى.

هيدا المحل رح يقدم نكهات شرقية بتعبّر عن تراثنا وكل النكهات القريبة على قلبنا. مشاوي، مازة شرقية، مع كاس عرق بلدي وبعدها لعبة طاولة! قعدتو كتير رح تريحكن، قعدة قزاز مفتوحة على الخضار والشجر والنباتات وين ما تبرموا، عنجد بتنسوا حالكن إنكن بنص بيروت!

توقعوا مزيج من الأطباق التقليدية بلمسة عصرية، محضّرة بمكونات محلية بتحتفل بتقاليد المطبخ الشرقي. 

من الجو البيتوتي للديكور الساحر اللي بيعكس ثقافة بيروت النابضة بالحياة، كافيه دي أوريانت رح يصير مكانكن المفضل بجاذبيته التراثية. محل بيجمع بين التفاصيل التقليدية مع التصاميم المعاصرة، وللصراحة ممكن هيدا يصير مكانكن الجديد المفضل بالأشرفية.

للمزيد من المعلومات، ما تنسوا تشوفوا حسابن على الإنستغرام هون.

خبرونا، حبيتوا Cafe D’Orient ؟

شوفوا كمان، لقينالكن ٦ محلات بتعمل أطيب داعوقية بلبنان