انسوا شوكولا دبي! صار في شوكولا بيروت

شوكولا دبي صارت من الماضي، هلق صار في عنا شي إسمو شوكولا بيروت. بيروت ولبنان بشكل عام مشهورين بالبقلاوة يلي هيي أطيب بقلاوة بالعالم لهيك قرر الشيف علاوية صاحب مطعم magnifico diner ببيروت يجبلكن شوكولا بيروت.

تخايلوا قطعة شوكولا محشية بقلاوة بتقرمش وخيوط الكاجو المطحون مع شوكولا جامد على الوج وبدوب بالتم. هيدي شوكولا بيروت، بتجمع بين حلاوة البقلاوة وقوة الشوكولا.

الشيف علاوية عم يعمل هالوصفة السحرية وإنتو فيكن تعملوها بأشكال وأحجام متنوعة خصوصي إذا عندكن مناسبة وعم تحضروا للضيافة.

الحشوة عبارة عن بقلاوة مقرمشة وقطع كاجو محمصين مطحونين مع زبدة الكاجو فوق طبقات السمنة المدهونة وعالفرن دغري. بس يطلعوا من الفرن البقلاوة بتصير جاهزة، بتكسروهن وبتمدوهن وسط طبقات الشوكولا الدايبة السخنة، وبترجعوا بتحطوهن بالتلاجة وهيك بيطلعلكن أطيب شوكولا بيروت. بعدين بتطلعوهن وبتقطعوهن بالشكل اللي بتحبوا.

منظر حشوة البقلاوة مع الكاجو بيشق القلب! هالوصفة بتجمع بين حلاوة البقلاوة وقوة الشوكولا، وبتطلع قطعة شوكولا فريدة من نوعها.

جربوها وخبرونا أيا أطيب شوكولا بيروت ولا شوكولا دبي؟

١٤ محل بيعملوا شوكولا دبي ترند بالكنافة والفستق بلبنان!