أكبر ملاهي داخلي للألعاب المنتفخة بالعالم موجود بلبنان!

عم تفتشوا ع تجربة ممتعة لولادكن؟ ممكن زهقوا من الألعاب والملاعب العادية وعبالكن تاخدوهن ع محل جديد. كيف إذا خبرناكن إنو أكبر ملاهي داخلية للألعاب المنتفخة بالعالم موجودة بقلب لبنان! تحديداً من أنطلياس، رح ناخدكن على ملاهي إستثنائي للولاد اسمو فيزز زون Fizz Zone. 

Fizz Zone عبارة عن ملاهي داخلية كبيرة فيها ألعاب ضخمة، وهي الأكبر من نوعها بالعالم، بحسّ ولدكن فيها إنو صار بعالم خيالي! 

الحلو انو هالنوع من الألعاب كتير آمن وسوبر مسلي بنفس الوقت، يعني حلم كل طفل يعيش هيك تجربة ممتعة. 

فيهن ينطنطوا أد ما بدن بعالم من الألوان والمرح، ألعاب ضخمة، زحليطات منتفخة، طابات، تسلق، وغيرها كتير قصص فيهن يعيشوها مع رفقاتن أو معكن. 

هيدي الملاهي مناسبة لكل الأعمار وفيها ألعاب وتسالي للكل، وحتى عندن فريق ليبقى جنبكن ويساعدكن. 

ومش بس هيك! بحال قرب عيد ميلاد حدا من ولادكن، بتقدروا تعملوا عند Fizz Zone، هيك بعيشوا نهار ما بينتسى بحياتن. 

Fizz Zone بيفتح كل يوم من 12 الضهر حتى الساعة 9 المسا، يعني نهار كامل من الحماس ناطركن عند فيزز زون. بتلاقوهن بمنطقة أنطلياس تحديداً جنب أكاديمية الباسكيت (إكبسوا هون لتعرفوا الموقع بالزبط). 

الحجز ضروري ولمزيد من المعلومات اتصلوا على 668 949 70. وما تنسوا تابعوا حسابن على الإنستغرام هون. 

شوفوا كمان، كنتوا بتعرفوا انو لبنان عندو منتزه ديناصورات بنص الغابة؟