!إفتتاح خط سير جديد لباصات النقل المشترك

خبرية حلوة لكل اللبنانية! تم إفتتاح خط سير جديد لشبكة باصات النقل المشترك، وصاروا ١٢ خط سير بالمجمل. بعد ما تم تسيير بأول تموز ٩٦ باص جديد على ١١ خط مختلف بيربطوا بيروت بمختلف مناطق لبنان، متل طرابلس، جونيه، بعبدا، الدامور، شتورة، وصور.

أعلن تقرير على الجديد عن إطلاق خط باص جديد بيوصل بين نهر الموت وبعبدا أمام السراي. من وقت ما بلشوا الباصات، عبر كتير من الركاب عن قديه سهّل عليهن تأمين مشاويرن اليومية وصارت حياتن أهون ووبتكلف أقل بالنسبة للتنقل.

وهيدي خطوط السير الحالية لشبكة باصات النقل المشترك:

B1: نهر الموت – الحمام العسكري – نهر الموت

B2: نهر الموت – مار مخايل – نهر الموت

B3: مار مخايل – بيروت – مار مخايل

B4: العدلية – الجامعة اللبنانية – العدلية

B5: مار مخايل – كونكورد (فردان) – مار مخايل

B6: ساحة الشهداء – الدامور – ساحة الشهداء

B7: مار مخايل – خلدة – مار مخايل

ML1: العدلية – شتورة – العدلية

ML2: خلدة – صور – خلدة

ML3: نهر الموت – مستشفى بعبدا الحكومي – نهر الموت

ML4: نهر الموت – طرابلس – نهر الموت

بإطار التخطيط لإضافة مسارات جديدة وتوسيع شبكة الباصات العمومية بلبنان، هالنظام رح يقدم راحة وتغطية أكبر، مما يجعل وسائل النقل العامة خيار أكتر سهولة وفعالية من حيث التكلفة بقلب بلد الطرقات فيه معروفة بصعوبتها.

خبرونا، كيف ساعدتكن باصات النقل المشترك؟

رح نبقى نخبركن عن أي إضافات بالشبكة الحالية. تأكدوا إنكن تتصفحوا #أخبار للمستجدات.