طالعين ع يحشوش؟ ٩ شغلات فيكن تعملوها!

مين فينا مش سامع بيحشوش وجمال يحشوش؟ هالمنطقة اللي جذبت كل الناس، السياح واللبنانية لإستكشافها. لكل محبي الطبيعة والمغامرة، حضرنالكن مشوار كامل بمنطقة يحشوش، تعرفوا معنا على ٩ مطارح لازم تزوروها بهالجنة. 

1. استكشفوا محمية جبل موسى المعروفة ب “شوان” وهي من الأغنى والأجمل بلبنان 

2. إمرقوا بالممرات والأنفاق السرية بالمنطقة، عدا عن دروب المشي بنص الطبيعة الجبلية

هالمنطقة معروفة كمان بالتلال والحفّات الجبلية اللي بتحسسكن كأنكن فوق الوادي! ما تنسوا تاخدوا منها أجمل الصور!

3. إسبحوا بقلب بحيرة شوان  الخلابة، الميّ فيها صافية بشكل ما رح تصدقوا!

4. وفيكن تعملوا نزهة ع ضفاف البحيرة أو حتى تخيموا 

5. اسبحوا بقلب البركة الزرقا تحت الشلالات، ميّ باردة وغطسة ممتعة! 

6. استمتعوا بوقتكن مع أصحابكن عند يحشوش كامب

عندن مسبح خيالي من فوق الجبل، خيم وبانغالو لتخيموا، وحتى أكل طيب على تراس. 

الرقم: 502 888 78 

7. إنبسطوا بغدا لبناني على الأصول من فوق الوادي عند مطعم جلسة ورد 

الرقم: 014 273 03

8. قضوا الليلة بقلب كوخ ع حفةّ الجبل عند Eden 

الرقم: 636 804 03

9. أو عملوا غدا مشاوي بنص الغابة، اسبحوا بقلب الميّ، وخيموا من فوق يحشوش كلها عند UpHill Chouwen Camping

الرقم: 363 869 81

خبرونا حبيتوا المشوار على يحشوش؟

شوفوا كمان، أحلى ٩ مسابح بجبال كفردبيان و فاريا