٨ نشاطات مميزة وممتعة مع الولاد بلبنان

عم تبرموا ع تجارب فريدة تعيشوها مع ولادكن؟ أو أماكن مميزة لتعملوا أحلى الذكريات بلبنان؟ إخترنالكن بالمقال 8 نشاطات مميزة وممتعة مع الولاد حول لبنان. حفظوا المقال ع جنب وصدقونا رح تعيشوا صيفية من العمر! 

1. خططوا زيارة على Choco Story بشامون، متحف الشوكولا الوحيد بلبنان 

بيتعلموا عن تاريخ وكيفية صناعة الشوكولا وحتى بيدوقوا أنواعها. بيجربوا نشاطات حلوة متل الورشات اللي بيعملوها لصنع الشوكولا! تعرفوا أكتر بالمقال هون. 

الرقم: 616 868 78

2. عملوا زيارة على Dino City بعجلتون، منتزه الديناصورات الأول من نوعه بلبنان

موجود بقلب غابة وبيضم نسخ ضخمة من الديناصورات، معارض تفاعلية، ونشاطات تعليمية مصممة لنقل الزوار لزمن الديناصورات. وأحلى شي انو الديناصورات عندن فيهن يتحركوا، يطلعوا أصوات، وحتى يطيروا فوق المعرض. تعرفوا أكتر بالمقال هون.

الرقم: 999 395 81 

3. إلعبوا بقلب أكبر مدينة ملاهي للألعاب المنتفخة بمنطقة أنطلياس! 

بتعرفوا انو Fizz Zone هو أكبر مدينة ملاهي داخلية للألعاب المنتفخة بالعالم مش بس بلبنان؟ 

الرقم: 668 949 70 

4. إسبحوا ولعبوا بالميّ بمنتزه للألعاب المائية بنص البحر

هالتجربة بتلاقوها بنص البحر بمنطقة شكا وكمان أنفه، وإذا انتو قاعدين بالجنوب، بتلاقوا منها بصور!

تعرفوا أكتر بالمقال هون، وعن صور هون. 

ألعاب شكا بفلوريدا بيتش: 999 543 06

ألعاب صور بمنتجع ريست هاوس: 000 742 07

5. ارسموا وأبدعوا بوحدة من ورشات Kanvartfuly الفنية للولاد بالحمرا

الحلو انو عندن وشات رسم وتطريز وتزيين وكتير قصص بإشراف مدربين، وكمان عندن نشاطات فنية ما بتحتاج لحجز مسبق! شوفوا مقالنا عنن هون. 

الرقم: 620 902 78

6. إتسلوا مع حيوانات المزرعة بقلب مزرعة متنقلة مع Farm on Wheels

تخايلوا المزرعة هي تجي لعندكن بكل حيواناتها ونشاطاتها الممتعة والتفاعلية للولاد!

 لتعرفوا أكتر عن هالمشروع المهضوم، شوفوا المقال هون. لمزيد من المعلومات، تأكدوا من زيارة حساب انستغرام تبعهن!

7. دوقوا تحلاية الأرنب اللي بترقص، ترند نزل جديد للولاد عند Möge Tee! 

شكلها مهضوم وطعمتها ولا أطيب، والحلو انو بتلاقوا المحل بالنبطية، السيتي سنتر، وحتى مديار. 

8. تحدوا بعض وإنبسطوا بمجموعة من رياضات حماسية بنص الطبيعة عند Swings Camp بالمتن!

تسلق، مراجيح، نط، ركض، ألعاب، تخييم، تحديات لكل الأعمار وكتير قصص ناطركن عندن!

الرقم: 648 796 03

أي من هيدي نشاطات مميزة وممتعة مع الولاد رح تجربوا؟

شوفوا كمان، ٩ محلات مع ألعاب للولاد بلبنان