فلافل الأرناؤوط: لقمة عمرها ٧٠ سنة من تراث النبطية!

من المستحيل إنو تمرقوا بسوق النبطية وما تجذبكن ريحة الفلافل الطيبة! هالريحة اللي صارت جزء من تراث المدينة، وتمثّلت بمحل بسيط وصغير عمرو أكتر من ٧٠ سنة. اليوم حبينا نخبركن عن محل شهير ومحبوب من ذاكرة النبطية، فلافل الأرناؤوط!

Image by Maryia Fahs-Shypulia.

فلافل الأرناؤوط محل تراثي للعيلة مرق ع ٣ أجيال، من الجدّ المؤسس، بعدها للبيّ، واليوم للحفيد علي أرناؤوط. يعتبر أقدم محل فلافل بالمنطقة، بلش بسنة ١٩٤٨ وهو من الأطيب بالجنوب كلو!  

بس قرص الفلافل عند الأرناؤوط إلو قصة! بلشت بالزمانات لما سافر الجدّ ع فلسطين ليبرم ع شغل، وهونيك لقى حالو بمصلحة الفلافل وتعلّم أصولها من قلب مدينة حيفا.

رجع بعدها ع النبطية وجايب معو وصفتو الخاصة، شاركها مع أهل المنطقة ع شكل لقمة متواضعة بمحل فلافل بسيط، من بعدها بلشت رحلتو مع هالمحل كأوّل معلّم فلافل بالنبطية!

سندويشة الفلافل إنعرفت بلقمة الفقير من أيام زمان، ورافقت أهل الجنوب من قلب هالمحل ع مر السنين. أقراص فلافل شهية، طراطور شغل ريد، شوية خضرة طازة، كبيس، ولمسة المحل الخاصة، يعني لقمة بتاخدكن رحلة ١٠٠ سنة لورا عند الأرناؤوط. محل بعدو لليوم محافظ ع أصالتو، اللقمة الطيبة، والنضافة بالشغل!

خبرونا، مجربينوا هالمحل؟

الرقم: 900 430 71

شوفوا كمان، بعرض مؤثر، فرقة رقص مياس تهدي تحية للجنوب وبيروت