كنتوا بتعرفوا انو لبنان عندو منتزه ديناصورات بنص الغابة؟

اكتشفنا إنه في جورايسك بارك أو منتزه ديناصورات للولاد بقلب لبنان، وما قدرنا ما نشارك هيدا الخبر معكن. تعرفوا معنا على دينو سيتي Dino City!

Dino City هو المنتزه الوحيد بالبلد اللي عندو طابع العصور الحجرية ما قبل التاريخ. بتلاقوا بقلب غابات عجلتون الساحرة وهالموقع بيخلق تجربة مميزة للزوار. المنتزه بيضم نسخ ضخمة من الديناصورات، معارض تفاعلية، ونشاطات تعليمية مصممة لنقل الزوار لزمن الديناصورات.

الزوار فيهن يستكشفوا المحيط الأخضر ويتعرفوا على أنواع الديناصورات المختلفة، بيئاتها، وتصرفاتها من خلال عروض تفاعلية. دينو سيتي بتجمع بين التسلية والتعليم. وجهة فريدة للعيل، الرحلات المدرسية، وعشاق الديناصورات من كل الأعمار!

وأحلى شي انو الديناصورات عندن فيهن يتحركوا، يطلعوا أصوات، وحتى يطيروا فوق المعرض. انتو بس شوفوا هالعيلة المهضومة كيف عم تنبسط عالآخر بحديقة الألعاب:

تخايلوا تعملوا عيد ميلاد حدن من ولادكن بقلب منتزه ديناصورات ب لبنان؟ أكيد، كلنا كنا نحب لونا بارك و rainbow island لما كنا زغار، بس هيدا؟ دينو سيتي بيربح بكل شي! إذا عن جد مخططين تعملوا حفلة عيد ميلاد، فيكن تتواصلوا عبر واتساب على الرقم: 999 105 70.

لمزيد من المعلومات، تأكدوا تشوفوا حسابن على إنستغرام، أو اتصلوا فيهم على 999 395 81.

خبرونا، حبيتوا هالمحل؟ صدقونا ولادكن رح يكيّفوا إذا زورتوهن!

شوفوا كمان، زوروا مع ولادكن متحف الشوكولا المهضوم بلبنان!