سلطة لبنانية بتبورد القلب لازم تجربوها هالصيفية!

بدكن سلطة صيفية بتجنن؟ اليوم رح نعرفكن على سلطة غريبة بس ولا أطيب من هيك، شفناها عند الشيف نيكول وحبينا نشاركها معكن.

عبارة عن سلطة لبنانية بتبورد القلب والروح بهل شوبات، فيكن تعملوها وين ما كنتو بلبنان، على الساحل أو بالجبل، وفيكن كمان تضيفوها بس يجي لعندكن حدا أو تتشاركوها بين بعض على العصرونية.

^{Credits: Lebanon Traveler}

مكونات السلطة بسيطين كتير وموجودين بكل بيت لبناني: شمام، وشنكليش، زعتر وزيت زيتون. بدها الخبرية بس خمس دقايق وبتكون السلطة جاهزة.

الطريقة سهلة وبسيطة، ما بتاخد وقت. بتقطعوا الشمام مكعبات، بتضيفوا الشنكليش المقطع، شوية زعتر، ورشة زيت زيتون. بخمس دقايق عندكن طبق صحي ولذيذ وهيك بتطلع عندكن أطيب سلطة. وما تنسوا تتركوا الشمام بالبراد قبل بوقت ليبوردلكن قلبكن. أطيب سلطة هالصيفية.

الشنكليش بيعطيها طعم مالح وقوي، والشمام بيعطيها حلاوة منعشة، والزعتر بيضفي عليها نكهة لبنانية أصيلة. بتقدروا تضيفوا عليها كمان وراق نعنع من الجنينة لتزيدوها جمال.

الكبار والزغار رح يحبوها! جربوها وخبرونا رأيكن، أكيد رح تعجبكن! ألف صحتين.

شوفوا كمان، ٨ شلالات لازم تزوروهن بلبنان.