لقينالكن أفضل وأضمن ستوديو لتمارسوا البيلاتس بلبنان

رياضة البيلاتس صار إلها شعبية كتير كبيرة هالفترة، والناس بلشت تكتشف فوايدها أكتر وأكتر. فإذا بدكن تبلشوا بيلاتس بلبنان، خلونا نعرفكن على المكان المثالي إلكن.

The Attic Pilates Studio تأسس بالـ 2023، و هيدا ستوديو عم يفرجينا أديه مهمة وأساسية رياضة البيلاتس. عندو فروع بالمنصورية وهلّق بحرش تابت، بس صار معروف بكل لبنان.

زرناهن بفرعهن الجديد بحرش تابت، وكأشخاص مبتدئين برياضة بيلاتس، هيدي كانت تجربتنا:

ليه The Attic إختياركن الأوّل لرياضة البيلاتس؟

مؤسس The Attic Pilates Studio، الدكتور شربل نجم، عنده أكتر من 20 سنة خبرة سريرية (إكلينيكية) بعلاج الآلام و الإصابات الرياضية. وكمان حاصل على دكتوراه إكلينيكية وPhD بمجال علم الألم. بتضمن هيدي المؤهلات أنو يكون وقتكن ب The Attic Pilates Studio آمن وفعّال، و بيوفرلكن أفضل تجربة ممكنة.

وهيدا السبب اللي خليه يفتح ستوديو! الدكتور نجم بدّه يثبت للناس إنو البيلاتس مش بس للحفاظ على اللياقة البدنية، وعم يستعمل كل خبراته ليضمنلكن إنكن تفوتوا على بيئة مشجّعة وخالية من أي وجع.

رياضة بيلاتس مش بس عبارة عن حركات منضبطة على مكنة. الخبراء بيوصفوها كتمرين بيركز على العقل والجسم، و بتحتاجوا أشخاص مؤهلين ليساعدوكن بكل من الجوانب العقلية و الجسدية.

شو بيقدم The Attic

هني فريق كامل من معالجين فيزيائيين. هالستوديو عم بيغير مفهوم الصحة و اللياقة، بيجمع بين الخبرة السريرية و تمارين بيلاتس الديناميكية. يعني برامجن بتكون مثالية للناس يلي ما بيحبوا الجيم بس عبالن يحافظوا على صحتن، أو الناس اللي عندن أوجاع وبدن يخففوا أو يتخلصوا منّها.

ليه فيكن توثقوا ب The Attic؟ لأنو برامجن آمنة وبتمنع من أي إصابات محتملة

الستوديو تبعن فيه كل شي! عندن مساحة كاملة مخصصة لحصص بيلاتس، فيها مكنات Reformer Allegro، اللي تعتبر من أفضل الآلات المختصة بهيدا المجال.

كمان عندن غرفة خاصة للجلسات الفردية. وأحلى شغلة انو مفتوحة على الضو الطبيعي لتحسّوا بالراحة النفسية.

بيقدموا تدريبات لكل مستويات اللياقة البدنية. خاصةً إذا انتو مبتدئين، ممكن تتلبكوا شوي من قصة المكنات الحديثة والحركات المنضبطة. إن كان جلسات خاصة وفردية، جلسات تدريب وظيفية خاصة، بيلاتس، أو تدريب وظيفي – فريقن موجود ليساعدكن بكل خطوة بخطوتها. و بيضمنوا يعطوكن أفضل برنامج حسب أهدافكن!

كتار عم يجربوا البيلاتس ويحبّوها، وهيدا دليل إنو هالرياضة بتناسب شريحة واسعة من الناس. إذا انتو جداد على عالم البيلاتس، مننصحكن تجربوا The Attic Pilates Studio. وحتى لو كنتوا متمرسين، رح تقدروا تستفيدوا من التقنيات الحديثة والتدريب الاحترافي، اللي ممكن يساعدكن تحسّنوا مهاراتكن وتطوّروا تمارينكن لمرحلة أعلى.

لمزيد من المعلومات، تأكدوا من زيارة حسابن على انستغرام. فيكن كمان تتواصلوا معن على الأرقام:

ستوديو المنصورية: 452 149 03

ستديو حرش تابت: 693 149 03

وإذا بدكن تحجزوا جلسة، إكبسوا هون!

حابين تدعموا كل شي محلي ولبناني؟ شوفوا قسمنا هون.