أغرب ٢٥ ترند أكل صار بلبنان!

كل فترة بتصير في ترند على أكلات جديدة ومميزة، ونحنا مخبرينكن عن كل هالأكلات. في أكلات منحبها كتير وفي أكلات غريبة، كرمال هيك قررنا نحطن كلن بمقال واحد. تعرفوا معنا على أغرب 25 ترند أكل صار بلبنان!

بالمناسبة، البعض من هالاختراعات ما عادوا متوفرين.

كل إبداعات الشاورما

١. سوشي شاورما

مين بيتذكر الناس كيف كانت عاجقة عند مايسترو شاورما بالحمرا ليجربوا السوشي بالشاورما؟

٢. برغر شاورما

Lafet Shawarma بطرابلس أد ما بيحبوا الشاورما عملوا منها برغر. صراحة، هالأكلة عنجد طيبة ومنحبها.

٣. كرواسون شاورما

كرواسون الضحى عمل كرواسون شاورما والناس إنهارت.

4. فتّة شاورما

أوف، فتّة الشاورما من عند أبو صبحي قصة، أطيب شغلتين إنجمعوا مع بعض!

٥. بيتزا الشاورما

عم تخايلوا أديه طيبة؟

٦. برج الشاورما

دايمًا تايغرز داينر بينزّل أطيب الإختراعات، وبصراحة بعدنا لحد هلق متعلقين ببرج الشاورما.

وصدوقنا حتى الفلافل إجى دورها

١. بيتزا الفلافل

مش عارفين شو رأينا بهالفلافل بيتزا تبع توماتو ماتيك…

٢. فلافل برغر

بس هالبرغر فلافل من سندويش ونص ممكن يكون أطيب؟ ما فينا نحكي قبل ما نجرّب للصراحة.

كل إبداعات الآيس كريم

١. بوظة ع زعتر

بوظة الزعتر الشهيرة. ايه، جربناها وحبيناها.

٢. بوظة سيريلاك

stephanie.miilan على إنستغرام.

بوظة السيريلاك من Gelato Show ضلّت حديث الناس لأشهر. بس فعلاً كانت لذيذة!

٣. آيس كريم كيري

Gelato Show جربوا كمان يعملوا آيس كريم كيري، وطلع طيب. بس ما كان نفس الطعمة متل آيس كريم السيريلاك.

٤. بوظة ع جنارك

ابعتوها لكل حدا غرامو الجنارك.

٥. بوظة غاردينيا

أولكن طعمتها متل ريحتها؟

٦. بوظة على كوسا

لمّا نكتة البوظة ع كوسا صارت حقيقة.

٧. بوظة لبنة مع زعتر

إذا حداً قلكن ما فيكن تاكلوا بوظة ع الترويقة، فرجوهن ع هيدا.

كل إبداعات الكنافة

١. كرونفيه

لما Sea Sweet بلشوا يعملوا هالكرواسون كنافة، جننوا العالم بـ2015.

٢. كنافة برغر

برمضان، لوديز عرفونا على الكنافة برغر كنوع من التحلاية بعد الإفطار.

٣. كنافة مع فودكا

كنافة زيادة فودكا إذا بتريد.

٤. كنافة عالفحم

كل واحد بحب الكنافة بيعرف Kanaf بسوديكو. كنتوا بتعرفوا إنه بيعملوا كنافة عالفحم؟

٥. كنافة وافل

خبصت الترويقة ببعضها.

٦. بوظة كنافة

L’abeille D’or عندن من أحلى كنافة بالبلد، فيكن تتخيلوا قديش إنبسطنا لما بلشوا يحشو الكنافة بالبوظة وشوكولا.

٧. داعوقية كنافة

بتربح كأطيب إختراع كنافة.

كل أنواع البقلاوة

١. بقلاوة دونات

XnDoughs دايمًا بيطلعوا باشيا جديدة. مين بيتذكر دونات البقلاوة يللي عملوها برمضان؟

2. بيتزا البقلاوة

معمول من أحلى مطعم بيتزا ببيروت، Santo Pizza Bar. حلو روعة بتناسب الكونسبت تبعهن، وطعمتها طيبة كتير.

3. بوظة البقلاوة

هيدا لازم يرجع للصيف.

والإبداعات المتنوعة

١. جنارك مغمّس بالشوكولا

^{via @beirutfood}

وهيدي صورة تانية تبعتوها لكل محبي الجنارك،

2. جبنة وبطيخ ع الصاج

جبنة وبطيخ معروفين إنهن ترويقة مَلَكية. منحس إنو هيدا الإختراع من صاج ستوريز محرز ولازم تجربوا.

أي ترند أكل حبيتوها أكتر شي؟