بانغالو، نشاطات، وأجمل قعدة ع نهر العاصي بأحلى أسعار!

عبالكن قعدة ولا أروع ع نهر العاصي هالصيفية؟ هالمنطقة بالبقاع معروفة بالطبيعة الجبلية وبمجرى نهر غزير بيتدفق من بين الجبال. بتلاقوا فيها كتير أماكن سياحية حلوة بنشاطات عنجد ممتعة. بس حطّوا ببالكن، هالمشوار ما بيزبط إلا مع جمعة رفقة! خلونا نخبركن عن مقصد صيفي بهالمنطقة، غرينلاند رستو Greenland Resto عندو قعدة ع العاصي مع نشاطات وبانغالو بأسعار ولا أحلى.

أجمل قعدة ع العاصي!

من جلسة ع ضفاف النهر، لغدا لبناني ع صوت الميّ الجارية! Greenland Resto بيقدملكن هالقعدة وأكتر هالصيف. جربوا عندن أطيب لقمة بعلبكية ع أصولها ، والميّ عم تجري من تحت جريكن. وكمان بتلاقوا مراجيح من فوق النهر وتراسات مع مناظر بتاخد العقل وجو بيرد الروح. أديه حلو  هالمشروع؟ 

ومش بس هيك، Greenland Resto مقصد مميز لكل محبي المغامرة والتخييم! عندن مساحة لتخيموا مع أصحابكن، وقعدة سهرة نار تحت سما صافية كلها نجوم وبعيدة عن عجقة المدينة. عرفتوا ليه هالمشوار ما بيزبط إلا مع رفقاتكن؟ وفوق هيك، بتكلف 3$ بس ع الخيمة. 

النشاطات بهالمحل ما بتخلص! من ال rafting بقلب العاصي، لركوب الخيل، لرياضة ال Zipline من فوق النهر، وهني من أشهر وأحلى النشاطات المعروفة بالمنطقة. 

بانغالو بالطبيعة وأسعار كتير حلوة!

ممكن ما بتحبوا التخييم بس عبالكن تقضوا كم نهار ع العاصي. كرمال هيك، هالمطرح بيقدملكن كذا بانغالو ب 40$ ع الليلة، وإذا كنتوا 4 أشخاص يعني 10$. والبانغالو بيجي مع مسبح وكمان قعدة ع النهر! 

للحجز أو المزيد من المعلومات، اتواصلوا معن على الرقم: 617 309 71. وما تنسوا تابعوهن ع إنستغرام هون. 

شوفوا كمان، ٧٠ مطعم جبلي لازم تزوروهن بلبنان