مطعم لبناني قاعد بكعب وادي قنوبين: منظر خيالي ولقمة بيت

اليوم مشوارنا على وادي قنوبين المقدس مطرح ما السما والأرض وما بينهما بيلتقوا، هيدا الوادي بحسسكن إنو عنجد إنتو بالجنة إن كان من ورا الفيو أو من ورا الأكل الطيب أو من ورا البرودات الحلوين والمواقع المقدسة.

بس تقرروا تزوروا وادي قنوبين وتعملوا هايك بقلب هالمكان المريح رح تحسوا حالكن رحتوا على السما. وادي شرح مقسوم تنين، ريحة بخور بتاخد العقل، وجبال خضرا كأنها مرسومة. هالمنطقة مش متل أي منطقة تانية بلبنان وبقلبها مخبى مطعم مش متل أيا مطعم تاني.

بقدم مطعم أبو جوزيف أكل ولا أطيب من هيك متل أكل البيت، مازة لبنانية وبطاطا مقلية متل تبع البيت، ورق عنب، بطاطا حرة، تبولة، رقاقات وأهم شي عندن الكبة الصاجية لي بيعملوها على الطريقة الشمالية.

لتوصلوا على هالوادي الخيالي، لازم تمشوا على إجريكن شوي لأن السيارات ما فيها توصل، بتصفوا على راس الوادي وبتنزلوا مشي حتى توصلوا على المطعم. هونيك فيكن تاكلوا، تتفرجوا على المنظر، أو بس ترتاحوا!

هيدا الطقس الصيفي هو المثالي لتعملوا هالمشوار لأن الطقس حلو.

ضبوا شنطة الهايك واستعدوا لمغامرة رح تتذكروها لمدى العمر!

وما نسينا نخبركن، هيدا المطعم وصل على جبيل وفاتح بنزلة المينا وقريب على البحر وعندو فيو بجنن، كمان بأمنو أكل لجميع المناسبات وعندن خدمة توصيل وكل فترة بيعملوا عروض موسيقية مباشرة.

الفرع الأول: وادي قنوبين
الرقم: 269 799 03

الفرع التاني: جبيل
الرقم: 269 798 03

شوفوا كمان، ٧٠ مطعم جبلي لازم تزوروهن بلبنان.