بتتذكروا ترند شوكولا دبي الشهير؟ هلق صار بوظة عند هيدا المحل

بتتذكروا ترند دبي الشهير لي كلنا مغرومين في؟ هلق صار بوظة عند محل واحد بلبنان.

ترند شوكولا دبي الشهير عبارة عن لوح شوكولا مع حشوة كنافة بتقرمش كتير وعجينة فستق غنية وخلطات تانية مستوحاة من الحلويات الشرقية.

هلق صارت بوظة عند محل فادي فروتس بجناح يلي كل مرة بجبلنا اختراع جديد، هالمرة جايبلنا بوظة شوكولا دبي الشهيرة، لي بتجي طبقات من البوظة مع خيوط من الفستق وطبقة شوكولا مر على الوج.

هالشوكولا ظاهرة انتشرت بدبي ووصلت على لبنان وصارت حديث الساعة بين عشاق الشوكولا بجميع أنحاء العالم.

عم تتخايلوا ملعقة بوظة محشية كنافة بتقرمش وخيوط البيستاشيو الرفيعة مع شوكولا مر جامد على الوج وبدوب بالتم.

فادي فروتس عندن أكتر من نوع بوظة وفواكة على أنواعها وهل محل معروف كمان بالكوكتيل الشقف لي بيعملوا.

يلي بحب الكنافة وقرقشتها ويلي بحب البوظة وبرودتها صار في يدوق أطيب اختراع بيجمع التنين سوا عند فادي فروتس ببيروت. ولا أطيب من هيك اختراع.

العنوان: جناح، بيروت
الرقم: 751 777 81

شوفوا كمان، اختراع بشق القلب والروح: فتة ورد جوري.