بونجوس متلجة: بوظة الطفولة اللي كل لبناني معلّق فيها!

كلنا عم نشتهي البوظة بهالطقس، ورح نذكركن بنوع بوظة عنجد رح يفرفح قلبكن! البوظة اللي عم نحكي عنها رافقتنا من طفولتنا، وبعدو كل لبناني متعلق فيها: بونجوس متلجة!

مش عارفين إذا عم نعيش موجة حرّ، أو إذا هيدي الحرارة يلي رح نشوفها بالصيف من هون ورايح. بس عكل حال، بونجوس متلجة حل بسيط وطيب بالشوب.

تخيّلوا تفيقوا على ريحة المناقيش الطازة اللي أهلكن جابوها من الفرن بالحيّ، وعندكن بونجوس مسقّعة بالفيزر. منقوشة زعتر مع الخضرة رح تكون طعمتها ولا أشهى!

مش ضروري يكون عندكن منقوشة لتستمتعوا وتعيشوا هالتجربة. إنزلوا على أقرب دكانة أو سوبرماركت، ومتأكدين رح بتلاقوا بوظة الطفولة عندن. محلات متل Spinneys أو Snack Town بيقدروا يوصّلوها لعندكن عالبيت كمان.

بعيد عن البوظة شوي، إنتو من النوع اللي بيحب المنقوشة مع تشيبس ع خل؟ ولا بتفضلوا منقوشة الزعتر مع اللبنة؟