١٥ شلال ومطاعم لازم تزوروهن هالربيع بلبنان!

إذا كنتوا عم تدوروا على مغامرة جديدة بقلب الطبيعة الحلوة بلبنان، فبلدنا مليان شلالات بتاخد العقل وبتستاهل الزيارة. من إهدن للشوف، جزين، كسروان، الضنية، وتنورين، فيكن تستكشفوا أجمل الشلالات وتنبسطوا بمشاهد طبيعية ما بينتسى. إذا كان عبالكن تروقوا أعصابكن على صوت الشلالات أو تصوروا أجمل الصور بالطبيعة، رح تلاقوا يلي بناسبكن بهيدي المحلات. يلا نعرفكن على ١٥ شلالات لازم تزوروهن بلبنان، فيكن تقضوا فيهن أوقات مميزة وتكتشفوا مناطق جديدة.

١.شلالات مزرعة التفاح، إهدن

مش بس رح تعيشوا تجربة صيفية فريدة كمان فيكن تتعرفوا على ضيعة جديدة من لبنان بقضاء إهدن، بيقدم جلسة مميزة بجزين على صوت الشلال، بترجعوا بتقعدوا بتقعدوا بالمقاهي القريبة وبتحسوا بالبرود وقدامكن سفرة لبنانية على مد نظركن.

وين فيكن تاكلوا: مطعم White Smoke

٢. شلالات سرجبال، الشوف

أوقات النفسية بحاجة السبحة بتبورد القلب بقلب الشلال بتلاقوها بسرجبال، بتاخدوا أجمل صور وبتقعدوا بقلب الطبيعة.

وين فيكن تاكلوا: مطعم حلم الوادي

٣. شلالات جزين، جزين

مش بس رح تكون ناطرتكن قعدة مميزة حد الشلالات ومحاطة بالطبيعة، رح تلاقوا كمان مجموعة من المطاعم والمنتزهات لتقعدوا وتاكلوا لقمة طيبة جنب الشلال وعلى صوت المي.

وين فيكن تاكلوا: مطعم الشالوف

٤. شلالات يحشوش، كسروان

شلال يحشوش مع بركتو الساحرة من أجمل المناظر الطبيعية بلبنان، بتجو لتتأملوا جمال الطبيعة والنهر.

وين فيكن تاكلوا: مطعم جلسة ورد

٥. شلالات أفقا، كسروان

أفقا مش بس شلال، هي قصة وحكاية. بتاخدكن لزمن تاني بسبب الكهوف المخباية والمي المتدفقة. مكان تاريخي وطبيعي بنفس الوقت.

وين فيكن تاكلوا: منتجع أفقا

٦. شلالات فاريا، كسروان

عبالكن مغامرة مهضومة؟ شلالات فاريا ناطرتكن. بتقدروا تمشوا وتستكشف المنطقة، وتوصلوا للشلال بعد مجهود بيستاهل كل تعب.

وين فيكن تاكلوا: مطعم طريق النحل

٧. شلالات عيون السمك، الضنية

عبالكن محل بعيد عن العجقة؟ شلالات عيون السمك بتستقبلكن بأحضان الطبيعة. مي صافية، هوا نقي، وهدوء تام.

وين فيكن تاكلوا: مطعم مطل عيون السمك

٨. شلالات كفرحلدا، تنورين

شلالات كفرحلدا بتحبس الأنفاس بجمالها وقوتها. بتقدروا تقرب منها وتشوف قوة الطبيعة، بس انتبهوا للمي لأنها بتكون قوية، وأكيد ما تنسوا تاخدوا أجمل الصور.

وين فيكن تاكلوا: مطعم نهر الجوز

٩. شلال بالوع بلعا، بعتارة

واحد من أغرب وأجمل الشلالات بلبنان! المي بتصب بقلب حفرة ضخمة عمرها ملايين السنين وبتنزل على مراحل من ارتفاع عالي، مخترقة جسور صخرية طبيعية زادت الموقع سحر. فيكن توصلوا للشلال مشي عبر ممرات مجهزة أو حتى بالتلفريك، وفي مغامرات حلوة بالموقع متل المشي على الجسر المعلق!

وين فيكن تاكلوا: مطعم Le Bois

١٠. شلالات العاقورة، العاقورة

وسط الجبال والطبيعة الساحرة، شلالات العاقورة بتقدملكن مشهد ولا أروع. المنطقة معروفة بجمالها التراثي، والمكان مثالي لمحبي الاستكشاف والتصوير، خاصة إنو كل زاوية في بتستاهل صورة!

وين فيكن تاكلوا: مطعم نقروشي

١١. شلالات رشميا، عاليه

واحد من أجمل المواقع يلي بتجمع بين الطبيعة والمغامرة! الشلال بيصب من بين الصخور، والنهر المتفرع من نهر الدامور بيخلق جو مثالي للسباحة أو حتى التخييم. فيكن تمشوا بين الصخور، تمرقوا حد الكهوف الزغيرة، وتستمتعوا بالمي الباردة المنعشة.

وين فيكن تاكلوا: مطعم جنة النهرين

١٢. شلالات الدردارة، الهرمل

هالشلال مش بس منظر خلاب، كمان من أهم الوجهات لمحبي المغامرة والـ Rafting! على ضفاف النهر، فيكن تلاقوا شاليهات ومطاعم بتقدملكن تجربة ولا أروع بين الطبيعة. المكان حيوي ومليان نشاطات لكل الأذواق.

وين فيكن تاكلوا: مطعم وأوتيل شلالات الدردارة

١٣. شلالات بقرزلا، عكار

هالشلالات بتعكس روعة الطبيعة بعكار، وبتعطي إحساس مميز كأنكن بأحضان الجبال. المنطقة مثالية للمشي والتأمل، وإذا كنتوا بتحبوا تستكشفوا أماكن أقل شهرة بس بجمال ساحر، فلازم تحطوا بقرزلا عاللائحة!

وين فيكن تاكلوا: مطعم الشلالات

١٤. شلالات بساتين العصي، البترون

إذا كنتوا من محبي المغامرات، هيدا الموقع لازم تجربوه! مع بداية الربيع، الشلال بيكون بأجمل حلة، والمياه النقية بتعطيكن فرصة تسبحوا وتتحمموا تحت المي الباردة المنعشة. تجربة ما بتنتسى خاصة لعشاق الطبيعة!

وين فيكن تاكلوا: مطعم الطواحين

١٥. شلالات عكار العتيقة، عكار

من أعلى الشلالات بلبنان، وأكترها هيبة! المي بتتدفق من ارتفاع أكثر من 60 متر، وصداها بيوصل لكل أنحاء الوادي، لتخلق مشهد طبيعي رائع. المنطقة حواليه غنية بالمواقع الأثرية، فزيارتها بتكون تجربة متكاملة بين الطبيعة والتاريخ.

وين فيكن تاكلوا: مطعم شلال السمك

ملاحظة: مش كل المطاعم فتحت، في مطاعم رح تفتح بعد أسبوعين، لهيك اتصلوا فيهن واحجزوا مطرحكن قبل ما تروحوا!

جاهزين للمغامرة؟

لبنان بلد زغير بس غني بالطبيعة الساحرة، وكل شلال من هول عندو سحره الخاص. ما تنسوا تاخدوا معكن كاميراتكن لأن المشاهد يلي رح تشوفوها، لازم تنحفظ بذكرياتكن للأبد!

شوفوا كمان، ٤٠ مطعم مع قعدة على النهر والشلالات بلبنان.