لأول مرة ب صور: ألعاب مائية للزغار بنص البحر

من بعد شكا وأنفه، وصلت الألعاب والمغامرات المائية بنص البحر على صور وتحديداً على منتجع Rest House Tyr Hotel & Resort.

شو يعني صيفية من دون صور؟ سكان الجنوب بيعرفوا منيح إنو الصيفية بلا صور ما بتقطع وهالمنتجع مرجعلكن الحركة على صور، يعني إذا كنتوا قراب حملوا الزغار وقضوا نهار مميز.

البحر بمنطقة صور معروف إنو نضيف ورايق وبيبورد القلب، أما البسين عند منتجع Rest House Tyr Hotel & Resort بصور مهضوم وبسلي، بس هلق صار فيكن تسبحوا وتلعبوا وتمرحوا ع البحر بقلب الألعاب المائية بنص البحر.

الألعاب باقيين لمدة 4 أسابيع، يعني لازم تلحقوا حالكن على السريع. شو بتحتوي الألعاب المائية؟ على زحليطات وألعاب مائية مسلية وtrampoline وفيكن تمارسوا هونيك عدة ألعاب متل كرة الصابون المائية، الvolleyball بالمي، الجمباز، المواي تاي، الزومبا، كرة المي، وكتير غيرن من الألعاب إلى جانب فريق متخصص ومحترف بيهتم بولادكن على الآخر.

إذا ما عبالكن شي خارج عن المألوف، بهالمنتجع بتقضوا نهار حلو على البحر، بتتشمسوا وبتتغدوا وبتتسلوا.

هلق إذا عبالكن شي خارج عن المألوف، فيكن تعيشوا تجربة حمام التلج أو تعمل مساج على البحر بوقت ولادكن عم يلعبوا وينطوا.

يعني شي فخم على الآخر لمحبي المغامرات والبحر والمي.

ونحنا منقول على رغم الوضع المشحون، بيبقى الجنوب غير وما فينا ما نشتاق لكل شي خصو بالجنوب ومش مصدقين تروق الأوضاع لنرجع على صور وبحر صور ولكل حدا قريب، زوروا هالمنتجع وعيشوا هالمغامرة وهيك بتساهموا بإستمرار هيدا المحل رغم الظروف الصعبة.

العنوان: صور
الرقم: 000 742 07

شوفوا كمان، شط جديد بجبيل رح ياخدكن على عالم الأحلام.