كافيه زهر مهضوم كتير عم بحضر بوظة وقهوة إيطالية

محل زهري كتير حلو وصل على البترون من بعد ما كسر الدني بالجميزة وبأويتل Mövenpick ببيروت وجايبلكن حلويات من إيطاليا على لبنان.

إنشهر محل Fresca Dolce بديكورو المميز وحلوياتو يلي بتشهي وقهوتهو لي غير شكل وهيدا بعد ما حكينا عن الجيلاتو يلي مخصص في.

ما فيكن ما تنتبهوا لهيدا المحل لما تكونوا بالبترون، لأنو مدخلو الملون دغري بيلفت النظر وريحة الجيلاتو بتشدكن لجوا.

هيدا المحل موجود بسوق البترون، وبيعرفوا عن حالن كقهوة الحي. عندن فنجان القهوة طيب والبوظة أطيب. هونيك بساعدوكن لتنقوا قهوة تكون ع ذوقكن وبحضروا بوظة جيلاتو غير شكل! والكريب عندن شي روعة…

مين أصحاب القهوة المهضومة؟ صبيتين مهضومين سافروا على إيطاليا وتعلموا يعملوا بوظة الجيلاتو بإيطاليا. نقوا شو بتستحلو من براد البوظة، وقعدوا برا على الكراسي الزهر مع فنجان القهوة، عصرونية غير شكل.

الكراسي زهر وحتى عندن كراسي قش زهر، الشماسي زهر كمان – المحل كتير مهضوم وبفرفح القلب.

شو يلي بميز هالمحل عن غيرو؟ بحضروا قهوة الماتشا فرابي يلي بيطغي عليها لون الأخضر ويلي كتير مشهورة على انستاغرام.

وحزروا شو كمان؟ جايبين من إيطاليا على لبنان وصفة ال affogato المشهورة كتير بإيطاليا… هالترند وصلت على لبنان وعلى البترون كمان وهيي عبارة عن قهوة الاسبرسو الإيطالية محشية بول فانيلا آيس كريم أو فستق آيس كريم.

غير هيك، عندن بانكايك وكريب كروسان وكم لقمة مالحة متل الكريب والسندويشات وكمان عندن شي إسمو bubble وايفل، عدا عن الحلويات والمشروبات المحضرة على الإيد بكل بساطة.

كل شي محضر على الإيد. حلم حياتكن هالكافيه بكل شي في! ونسينا نخبركن إنو عندن بوظة خفيفة لكل مين عامل رجيم.

الفروع: الجميزة، أوتيل ال Mövenpick، البترون
الرقم: 073 023 81

شوفوا كمان، بتعرفوا إنو في محل عم يعمل شاورما ملبن بلبنان.