أحفاد فاجأوا تيتا بالنومة كلن عندها، والفيديو بجنّن!

إذا كنتوا عم تفتشوا على شي يبسطكن ويحلي نهاركن، فأكيد رح تحبوا هالفيديو! أحفاد لبنانيين تجمعوا ليفاجأوا تيتا بالنومة كلن عندها. والفيديو كتير مهضوم وما فيكن ما تحضروا!

كل حدا منن مجهز مخدتو وجايي! وكمان تليفوناتن لياخدوا ردة فعل التيتا ع هالمفاجأة، وهي مجرد ما شافتن بلشت تبويس و “أهلا أهلا”. و النتيجة كانت فيديو لطيف رح يخليكن دغري تحكو ستكن وتقلولها خلص صار بدها نومة عندك متل أيام زمان! حضروا هون:

أديه بتشارطوا العشا كان سندويشة لبنة؟

ولكل الستّات اللبنانية، هون أو برا، منحبكن!

عبالكن تتعرفوا ع تيتا كسرت معايير الجمال بعالم الموضة؟ شوفوا تيتا هدى، عارضة أزياء لبنانية دخلت عالم الموضة بعمر 80!