جنينة، مطعم، ومساحة للترفيه بقلب ضيعة ساحلية

بمنطقة زغيرة بس حلوة بضيعة متل ما بسموها أهلا بين بعبدا والحازمية بضيعة إسمها فياضية وبقلب الفياضية في شي نعمل ليسلي الكبار والزغار، إسمو Resa Park.

هوي موجود بجنب كنيسة السانت تريز وبيفتح من الأربعا للسبت من الساعة 5 للساعة 11 المسا وهوي عبارة عن playground للزغار وقعدة للكبار وفرن مناقيش وأكل خفيف وكمان فيكن تحجزوا في لل Birthday party تبع ولادكن.

عطول في activities، مثلاً كل يوم سبت في training sessions بالرياضة مع ال coach أنطوني عطالله من الساعة 8 الصبح حتى الساعة 9 الصبح. وكمان بيعملوا مسابقات على أنواعها مرة بالBasketball ومرة بال ping pong أو مرة بطاولة الزهر.

وحزروا شو؟ كل نهار جمعة بيعملوا karaoke night وفيكن إذا ما عبالكن بس تغنوا، تجيبوا معكن الآلة الموسيقية يلي بتحبوها وتعزفوا عليها.

والأحلى شي بال Resa Park إنو فيكن تحجزوا طاولة أو أكتر قد ما بدكن وتعملوا عشا وسهرة وتشووا عندن بس اللحمة عليكن والمنقل علين هني، وفي أكيد أراكيل ومناقيش ومشروب، يعني جلسة مسائية حلوة مع موسيقى ورقص.

العنوان: الفياضية
الرقم: 797 372 03

شوفوا كمان، مطعم دبي الشهير وأخيراً وصل على لبنان.