كباب شهية وصوص من البوسنة من هالمحل بالضاحية!

لقيتو حالكن بالضاحية ومش عارفين وين تاكلوا؟ لكل محبي المشاوي، خولنا نخبركن عن هالمحل اللي فتح جديد بالمنطقة: فلايمنغ كباب Flaming Kabab، بيقدم منيو إستثنائية من الكباب، واللي بميّزها أكتر شي هي الصوص!

ليه هالمحل مميّز عن غير محلات كباب؟ محل فلايمنغ كباب بيحضّر الصوصات من البوسنة واليونان، وهني من الألذ لكل عشاق الحرّ بالأكل. يعني رفيقكن اللي بيكتّر حرّ بالأكل، ضروري تعزمو!

بس خلونا نخبركن شوي عن صوص ال Ajvar الطيبة كتير وهي جايي من المطبخ البوسني، معمولة من الفلفل الحرّ الأحمر وبتطلع بتشهي مع كومبو الكباب، البصل، الخس، والصوصات التانية متل التوم والمايونيز. 

عندو بالمنيو بس ٣ سندويشات وكلن مع Ajvar صوص. الكباب باللحمة بتجي مع حمص أو مع Sour cream، بس نحنا مننصحكن تجربوا اللي مع حمص لتعرفوا أديه مميزة اللقمة بهالمحل. وكمان فيه كباب تشيكن مع توم وبصل لمحبي الدجاج. اللحمة عندو بيعملها مع تتبيلة شهية، والخبزة بتطلع محمصة وطيبة وهني بيعملوها عندن!

وكمان فيكن تطلبوهن طبق مش بس سندويشة، والحلو إنو أسعارو حلوة، يعني 4.5$! 

بتلاقوا المحل تحديداً بالضاحية، حارة حريك، شارع العريض بوج Nas كافيه. للمزيد من المعلومات، اتصلوا على الرقم: 522 802 70. وما تنسوا تابعوا حساب Flaming Kabab على الإنستغرام هون لتعرفوا كل جديد أول بأول. 

خبرونا، رح تجربوا هالمحل؟

شوفوا كمان، أقدم ٧ مطاعم بيروتية مرقت من جيل لجيل