محل بنص وادي قنوبين مع قعدة صوفا حجر

شو معقول تحبوا أكتر من قعدة حلوة وسط الطبيعة مع كاس نبيد طيبعي؟ اليوم رح نروح على الشمال وتحديداً على قنوبين لنعرفكن على معصرة العنب Heya Winesو Mersel Wine، بيعملوا نبيد وخل وكل شي على إيدين.

هالمعصرة مش بس بتنتج النبيد، بتقدملكن تجربة فريدة من نوعها. تخايلوا حالك عم تتفرجوا على عملية صناعة النبيد من الألف للياء، وعم تشربوا كاس نبيد طالع من نفس المكان!

عندن تلات أنواع نبيد: هيا، كنز، و ورود. كل وحدة فيهن عندها طعمة خاصة. بس الشي المشترك بيناتن كلن إنو طعمتن كتير طيبة لأنو معمولة من عنب لبناني أصيل ومن غير مواد حافظة ولا شي من هالحكي.

بعد ما تخلصوا من تذوق النبيد، فيكن تستمتعوا بقعدة ع الصوفا يلي عاملينا من حجر وسط الطبيعة الساحرة، وتكلوا شغلات خفيفة كتير لذيذة بتناسب طعمة النبيد.

هيدي فرصة مميزة لتقضوا يوم مختلف وسط الطبيعة بالجبل، وتتعرفوا على مراحل صناعة النبيد، وتستمتعوا بأطيب نبيد لبناني طبيعي.

معلومة زغيرة: وادي قنوبين مليان بالجمال الطبيعي، فبعد ما تخلصوا من المعصرة، فيكن تتمشوا وتستكشفوا المنطقة.

العنوان: قنوببن
الرقم: 421 412 03

شوفوا كمان، ٤٧ محل فيكن تشوفوا منن مغيب الشمس بلبنان.