أطيب سندويشات وأشهى فاهيتا من هالمحل ببيروت

بدكن نخبركن وين فيكن تجربوا أطيب سندويشات ببيروت؟ لكل محبي السناكات، مشوا معنا ع مطعم ساب مارين Submarine، بتلاقوا السعادة عندو بلقمة طيبة وبأسعار كتير مناسبة!

 مطعم ساب مارين Submarine صرلو ٣ سنين فاتح، بلش بفرعو بصيدا وبعدها فتح فرع تاني بمار ميخايل. عندو منيو متنوعة من أشهى السندويشات، البرغر، الأطباق، وحتى السلطات وكلّو بأسعار كتير حلوة. إذا عبالكن ضهرة مع أصحابكن، تجربوا سناكات وقصص طيبة، هالمحل لازم تزوروا!

أطيب فاهيتا ببيروت!

هالمطعم بيقدم أطيب سندويشة فاهيتا ببيروت كلها! شكلها بيشهي وطعمها غير عالم. السر إنو خلطة الفاهيتا اللي بيعملوها مميزة وبتجي حرّة، مغرّقة بالصوص الغنيّة، ومحشية بالجبنة الدايبة ع الآخر. كل لقمة أطيب من التانية، سندويشة عنجد بتنغرموا فيها وبتصيروا تجوا ع المحل بس كرمالها!

وما وقفت بس ع الفاهيتا، بتلاقوا عندن تشكيلة شهية من السندويشات الدسمة اللي بتسد أقوى جوع، من الطاووق، ستيك، روستو، فيلادلفيا، أسكالوب، تويستر، مقانق، سجق، والمفضلة عنّا سندويشة القريدس! بتلاقوا عند Submarine طلبكن وزيادة، وهالمنيو المتنوعة بتناسب كل الأذواق.

عدا عن السندويشات الشهية، محبي البرغر والدجاج كتير رح يعجبن هالمحل. كل اللي عليكن تروحوا لعندن وتختاروا. رح بتلاقوا كل شي، من البرغر اللبناني، لبرغر الزينغر، التشيز برغر وحتى سماش، أطباق الدجاج المشوي أو الكرسبي، وحتى الباستا، مع السلطة اللي بتحبوها والبطاطا المقرمشة ع المزبوط.

مطعم Submarine بيلبي طلبكن بأي وقت!

وتخايلوا إنو كل هالأكلات الشهية ع المنيو أسعارها بين ال 400 و 600 ألف ليرة. لقمة طيبة، بتشبّع، وفوق هالشي بتوفّر ع الجيبة.

والأحلى من هيك إنو مطعم Submarine بيفتح للساعة 3 الصبح، يعني راجعين من السهرة مع أصحابكن، أو شغلكن بالليل، أو حتى ضربكن جوع آخر الليل، رح بتلاقوا هالمطعم جاهز يستقبلكن.

ما تنسوا تابعوا حسابن ع الإنستغرام هون. وللمزيد من المعلومات أو الطلب، اتصلوا على الأرقام:

فرع صيدا: 313 760 71

فرع مار ميخايل: 053 760 81.