مطعم دبي الشهير وصل أخيراً على البترون!

“إبن البحر” الحاصل على جايزة بيب غورمان من دليل ميشلان لثلاث سنين متتالية صار على شط البترون وجايبلكن معو كل أكلات البحر يلي بتحبوها.

هيدا المطعم فتح بدبي بالـ٢٠١٦ وهلق صار فيكن تختبرو قعدتو الحلوه حد البحر وتاكلوا عندو، بس عم تتخايلو حالكن عم تاكلو سمك على شط البترون؟

قعدة ع البحر، صوت الموج، منظر رومانسي، وأطباق من أطيب ما يكون من السمكة الحرة وطاجن وقريدس متبلين،سلطات بحرية منعشة، أخطبوت، سلمون، سردين، تونة طازة، كراب، باييلا وغيرها من المأكولات البحرية المعمولة بأشهى الخلطات والصلصات يلي ما بتخطر عبالكن وأكيد ما بدنا ننسى أطباق المازة اللبنانية.

كل الأطباق بتنزل مع خيارات واسعة من المشروبات مثل النبيد والعرق البلدي والعصير، وكمان في قسم خاص بالسمك الني، والتوتيا، والسيفيشي، والمحار.

المطعم مش بس أكل طيب، في جو كتير حلو، موسيقى، وديكور بحري بيضفي علي اللون الأزرق جو من الرفاهية. يعني مش بس رح تاكلوا أكل طيب، رح تستمتعوا بكل لحظة.

بالصيفية الطقس خرج هيك قعدة عالبحر مع العيلة ومع الأصحاب، فيكن تسمعوا موسيقى وتسرحوا بمنظر البحر كمان.

بتعرفوا إنو فيكن كمان تسبحوا؟ يعني هيدي تجربة بحد ذاتها.

قعدتكن ع بحر البترون بتاخد العقل! معقول حدا ياكل أكلة سمك غير حد المي؟

العنوان: البترون، الطريق البحري 

الرقم: 202 521 03

شوفوا كمان، مطعم ببابل الشهير وصل على البترون.