أطيب ترويقة لبنانية: فتة سجق أو جبنة تشيدر عند هالمحل

مشوارنا اليوم على مدينة التراث طرابلس وتحديداً عند محل ترويقة يلي إسمو بدل علي وهوي بحضر كل أصناف وصحون الترويقة الطرابلسية والأرمنية وعندو فيكن تدوقوا صحن فتة سجق من أطيب ما يكون.

بس حزروا شو؟ هالمحل قرر يفتح فرع جديد ونزل على البترون لأن العجقة هونيك عم بتكون وجايبلكن الطعمات الطيبة للناس الطيبة ولزوار البترون كمان.

فيكن تجربوا طعم السجق الحر والقوي مع فتة غير شكل، طعمة السجق ع أصولها، مع التوم واللبن وقرمشة المكسرات، شي بشق القلب والروح.

فنجان قهوة لبناني أصيل، صحن من الفول المدمس مع زيت الزيتون، ومقبلات متنوعة بتزين السفرة.

ويلي بموت باللحمة، كمان لازم يجرب أكلة الفتة بلحمة يلي هي عبارة عن طبقات اللحمة واللبن مع المكسرات.

وما فينا ننسى الإختراع الشهير بالمحل، فتة جبنة التشيدر يلي بتاخد العقل! جبنة التشيدر عم بتسل بصحن الفتة مش رح تصدقوا إنها طيبة لتدوقوها.

وإذا بتحبوا دبس الرمان، ضروري تجربوا صحن الحمص مع كفتا ودبس الرمان، بيتغمس مع خبزة طازة ومعمول من مكونات ولا أطيب، أكيد رح تطلبوا صحنين أو تلاتة.

ولمحبي العرايس، السفيحة طرابلسية من عند ترويقة كتير رح تعجبكن.

وشو أولكن بصحن الحمص على أفوكا وعلى وجو كم حبة قريدس، بتجربوا؟

الطشة اليومية، فتة تيشدر، فتة بيستو، وحمص أرمني ويلا. معقول يكون في شي لبناني ما بحب الفتة، ما بحب الحمص؟ هالأكلات البسيطة شو عملت أمور عظيمة.

وبفرعن بالبترون بيعملوا ليموناضة بتبورد القلب لتخلصوا ترويقتكن وتنتعشوا على المزبوط.

الفرع الأول: طرابلس
الرقم: 584 490 81

الفرع التاني: البترون
الرقم: 877 443 76

شوفوا كمان، اختراع بشق القلب والروح: فتة ورد جوري.