قعدة بين الغيوم… جوهرة مخباية بجبيل

اطلعوا مشوار على مشمش، وهونيك رح تلاقوا مطعم غير شكل، وغير المحلات يلي معودين عليها، كبوش التوتة: مطعم لبناني مع هوا جبلي وجو بيتوتي من أجمل ما يكون!

مستحيل تفوتوا على هيدا المطعم وما تفرفشوا وتكيفوا بألوان الطاولة المراجيح والعرايش فوق راسكن، بتحسوا حالكن ببيت الضيعة.

بتقعدوا وبتحسوا حالكن بالبيت وفوق راسكن عريشة لتفيي من الشمسات، مراجيح، أكل بيت وقعدة على رمرمية.

أما أكلو، كمان غير عالم.

لقمتو طيبة من مازة لبنانية على أنواعها وأسعارو مدروسة، والمشوار لعندو بينعاد كذا مرة.

مش بس هيك، القهوة عندها طعمة غير بس تكون مصحوبة مع الجو الحلو والناس يلي بتحبوهن.

كبوش التوتة مشهور بترويقتو كمان، من مناقيش الصاج للبيض والأجبان والألبان، وأكيد ما مننسى فنجان النيسكافيه.

القعدة على التراس بترد الروح وخصوصي وقت مغيب الشمس.

الولاد ما تعتلوا همن لأن عندن فسحة يلعبوا فيها وألعاب مميزة.

ويلي بشجعكن زيادة على هيدا المطعم إنو هوي مطعم اشتغل عليه الشهيد جو نون قبل ٤ تفجير آب بكم شهر، تيزرع الفرح والبسط بقلب كل حدا بيجي بزور هالضيعة وهالمطعم.

يلا على مشمش.

العنوان: مشمش، جبيل
الرقم: 185 869 78

شوفوا كمان، اختراع بشق القلب والروح: فتة ورد جوري.