أجمل بيوت ضيافة بأجواء يونانية حول لبنان

مين فينا ما بيحب السفر؟ وإذا عبالكن تسافروا من قلب لبنان، لقينالكن الحل! خلونا نخبركن عن أجمل بيوت ضيافة بأجواء يونانية حول لبنان. 

1. Martinos Getaway، البترون 

مارتينوز فيلا ساحرة الجمال بمنطقة داريا البترون. بتتميز بأسلوب العمارة الأطلسي اللي بياخدكن رحلة على ميكونوس اليونانية من قلب البترون. من ألوان البياض والأزرق، الأجواء الصيفية، المسبح الحلو، القعدة اللطيفة، والخدمات المميزة. فيكن تعيشوا شهر عسل من الأحلام عندن، تقضوا وقت حلو عم تسترخوا تحت الشمس. تعرفوا عليه أكتر بالمقال هون.

الرقم: 985 933 70

2. أنفويات، أنفه 

أنفه المدينة الساحلية اللي تعتبر قطعة من اليونان بلبنان، خصوصي بالشواطئ الزرقا والبيضا، والقعدة الأطلسية المميزة. عند أنفويات، فيكن تقضوا نهار كامل على البحر خصوصي إنو قريب من شط تحت الريح، أو عم تكتشفوا أنفه شارع بشارع، أو تقضوا الوقت بقلب الجنينة عندن بأجواء يونانية إستثنائية. 

الرقم: 650 240 70

El Mayan Cave .3، حامات 

قعدة كهف مستوحاة من اليونان بكل تفاصيلها وألوانها. هالقعدة موجودة بقلب منتجع روكا مارينا المعروف بأجوائه اليونانية من المسابح للبارات وغيرها. هالكهف بيتميز بإطلالة خيالية ع البحر، جاكوزي، و رومانسية ما إلها حدود!

الرقم: 444 714 81

4. Aqualand Hotel & Resort، البترون

عبالكن قعدة يونانية من فوق البحر؟ منظر بياخدكن ع عالم التاني مع الشريك؟ سافروا على سانتوريني من قلب أكوالاند بالبترون، تجربة راحة وجو من الرفاهية كتير رح تنبسطوا فيه! خصوصي بقلب جاكوزي، مع كاس نبيد، ومنظر البحر! 

الرقم: 844 486 70

5. Nomads Nature and Nurture، سرجبال 

هالمنتجع بيقدملكن تجارب راحة وإسترخاء روحية بالطبيعة، وكمان قعدات فوق النهر وبيوت الضيافة. من البيوت اللي بيقدموها هو البيت الأزرق اللي عندو  قعدة غجرية بالغابة، الموديل الأزرق والأبيض بحسسكن رحتوا على جزيرة سانتوريني باليونان، بتلاقوا الجو الرايق والقعدة الحلوة بقلب مسبحكن الخاص. التفاصيل والنقشات اليونانية الأصيلة، قعدة مفتوحة على الغابة، مرجوحة لترتاحوا عليها، وشجرة بنص الأوضة بتضفي جمالية وسحر على قعدتكن.

الرقم: 709 370 76 

أي بيت من هل بيوت ضيافة بأجواء يونانية حبيتوا أكتر شي؟

شوفوا كمان، جوهرة البترون الجديدة: مسبح بيطل ع الجدار الفينيقي!