أقدم ٧ مطاعم بيروتية مرقت من جيل لجيل

قد ما يفتحوا مطارح جديدة ببيروت، دايمًا بنشتاق نجرب أماكن بترجعلنا الذكريات. بعض من أقدم السناكات و مخابز و مطاعم بيروتية بعدن فاتحين وبعدها الطعمات بتشهي متل قبل. تعرفوا معنا على هالجواهر القديمة ومشوا نروح على ٧ من أقدم مطاعم بيروتية مرقت من جيل لجيل!

١. سناك فيصل

المحل صرلو سنين فاتح بشارع بليس، سناك فيصل معروف كتير بفطاير السبانخ الشهية، مغطسة بدبس الرمان ومع لبنة وخضرة. هالسناك البيروتي دايماً بيقدم أطيب المأكولات من سنة 1984.

الرقم: 830 367 01

٢. السوسي

واحد من أهم وأطيب مطاعم الفول والحمص ببيروت، السوسي هو جوهرة ثمينة اللي سرقت قلوب كل زباينو. هالمشروع العائلي انتقل من جيل لجيل، وهو واحد من أقدم الأماكن بالمدينة. بتعرفوا إنه تم تصنيفه كواحد من أفضل وجبات الترويقة بالعالم سنة 2013؟

الرقم: 145 312 01

٣.Universal Snack

Universal Snack من الأكيد أنه من أكتر الأماكن المحبوبة ببيروت اللي بترجعولها دايمًا. معروفين بالحصص الكريمة والأطباق اللذيذة، الغدا بهالمحل رح ياخدكن رحلة بذكريات زمان. لما تزوروا جربوا أكيد الإسكالوب الدجاج بالجبنة والبطاطا المقلية.

الرقم: 063 365 01

٤. فرن إشكانيان

من وقت ما فتحوا ب 1946 بفروعهن بزقاق البلاط والزلقا، فرن إشكانيان بيقدموا أفضل وصفاتهن الأرمنية التقليدية.اللحمة بعجين مع حرّ والمانتي من ألذ الأشيا اللي ممكن تجربوها عندن.

الرقم: بيروت 178 375 01 – الزلقا 586 717 04

٥. Hani’s Snack

إذا كنتوا مشتهيين برغر لبناني بيشهي، برغر هاني سناك بالروشة والحمرا رح يلبي طلبكن. عم يعملوا هالبرغر من سنة ١٩٧٢، ومعه كمان عدة خيارات تانية، بضمنها سندويشات، باستا، سلَطات، وأطباق بيتوتية.

الرقم: الروشة 402 750 01 – الحمرا 026 354 01

٦. سناك غلاييني

Snack Ghalayini بحمرا موجود من سنة 1958، وكل ما تمرق حدّو، ريحة أكلن الشهية رح تحمسكن. سواء كان المناقيش والمعجنات الطازة الصبح أو الشاورما الشهية ع الغدا.

الرقم: 850 350 03

٧. غطاس

جوهرة الأشرفية اللي كلنا منعرفها ومنحبها، غطاس موجودة كمان من سنة 1958. هالفرن مشهور بتقديم الفطاير الشهية، وضروري تجربوها إذا كنتوا بدكن طعمة لبنانية تقليدية ع أصولها بالمدينة.

الرقم: 132 218 01

بتحبوا كل القصص القديمة؟ شوفوا قسمنا هون.