مطاعم لبنانية وصلت لمراتب عالمية، خلونا نتعرف عليها

ما رح تلاقوا ولا محل لبناني بيفتقر لتقديم أكل طيب، خدمة ممتازة، وضيافة ما بتنتسى. الحقيقة إنه كتير من المطاعم والبارات اللبنانية تم تقديرها على مستوى عالمي مرموق، خلونا نتعرف على ٨ مطاعم لبنانية وصلت لمراتب عالمية.

1. بارون، مار مخايل

Baron دايماً بيكون بين أفضل 50 مطعم بالـ MENA كل سنة، وسنة 2022 أخد المرتبة #12 وسنة 2023 المرتبة #16. هالجوهرة البيروتية الرفيعة، متخصصة بمبدأ تقديم الأكل طازة من المزرعة ع الطاولة، وموخراً فتح فرع جديد بالدوحة، وتم وصفو بأنه “مكان ممتع وبسيط بحي شبابي بالطرقات العصرية و الفنية بمار مخايل ببيروت”.

الرقم: 099 179 79

2. إم شريف، فروع كافة

مطعم شرقي مميز وجوهرة محبوبة ببيروت، أطباق إم شريف اللبنانية الشهية ضربت شهرتها بالشرق الأوسط وأوروبا. بالترتيب السنوي لأفضل 50 مطعم بمنطقة الشرق الأوسط وشمال أفريقيا، احتل المطعم المرتبة #22 سنة 2022 و #20 سنة 2023.

الرقم: 119 919 03

3. Dead End Paradise ، الجميزة

ديد إند بارادايس صار بسرعة من الأماكن المفضلة عند كتار من الناس، وحتى وصار واحد من أفضل البارات بالعالم! ووصل للمركز 68 عن سنة 2021 والمركز 80 لسنة 2022. من أكتر أماكن السهر المحبوبة ببيروت، فما بيستغرب الواحد إنو هيدا البار صار حديث العالم!

الرقم: 577 424 81

4. ليزا، الأشرفية

معروف بأكله الرائع مع أجوائه الفاخرة، عند ليزا بترجموا حبن للبنان بأطباقن الشهية والتفنن بالأكل. مش بس صنفوه بالمركز ٢١ على لائحة أفضل ٥٠ مطعم بمنطقة الشرق الأوسط وشمال أفريقيا سنة ٢٠٢٢، بس كمان انذكر بدليل ميشلان لـ ٢٠٢٤ . إكبسوا على الرابط.

الرقم: 108 208 01

5. طاولة مار مخايل، مار مخايل

طاولة مار مخايل تصنّفت بالمركز رقم 19 ضمن أفضل 50 مطعم في منطقة الشرق الأوسط وشمال أفريقيا لعام 2023. عندن ستيل المطبخ المفتوح، والمنيو بتتغير أسبوعياً لتبرز أطيب الأطباق المحلية من كل الضيع اللبنانية، وهلق عندن فروع متعددة بكل لبنان.

الرقم: 060 266 81

6. Clap، وسط بيروت

احتل المرتبة #47 ضمن قائمة أفضل 50 مطعم في منطقة الشرق الأوسط وشمال أفريقيا لسنة 2022، المطعم الياباني المعاصر معروف بأطباقو على طراز الأوماكاسي والمناظر الخيالية للمدينة. المأكولات البحرية الطازة والأطباق المزينة بشكل متقن، وكلو مقدم مع كوكتيلات مميزة، هالشي بيخلي مطعم Clap مكان روعة للعشا ببيروت.

الرقم: 888 633 70

7. Le Sushi Bar، مينا الحصن

Le Sushi Bar موجود بدليلنا لـأفضل 10 مطاعم راقية ببيروت لتجربتو المميزة. هالمكان الأيقوني بيقدملك تجربة سوشي من الأروع بالمدينة! عندو الأطباق الروعة والديكور الحلو والفن بالمطبخ الياباني. وعنجد، هالمطعم كان هو الفايز بجائزة أفضل تصميم المطاعم والبارات لسنة 2020 بمنطقة الشرق الأوسط وشمال أفريقيا.

الرقم: 755 373 01

8. ابن البحر، البترون

مطعم لبناني للمأكولات البحرية صرلو من ٢٠١٦ فاتح، ومؤخراً فتح فرع بدبي. هالمطعم البحري حصد مرتبة بدليل ميشلان من سنة ٢٠٢٢.

الرقم: 202 521 03

ما فيكن تفوتوا هالمطاعم والبارات اللبنانية يلي أخدت شهرة عالمية! إذا بدكن توصيات أكتر، تأكدوا إنو تشوفوا قسم المطاعم هون.