مهرجان بنص جونية 2024 رجع ومولعها بجونية!

رجع مهرجان بنص جونية هالصيفية يولع سما جونية بالفرح ورح يستمر لغاية 28 تموز. حضروا حالكن لأوقات حلوة هالصيفية مليانة أكل طيب، مشروبات باردة، موسيقى، و نشاطات مسلية لكل الأعمار.

بيقدم المهرجان سوق أكل في كل شي بتحبوا من أكل شارع و طبخ مباشر، وفقرات تذوق الليموناضة والعصير. وبالإضافة لألذ الأكلات، اكتشفوا مطاعم وكافيهات حلوة بتقدملكن أكل كتير طيب مع منظر على البحر بياخد العقل. برموا على الكيوسكات المميزة المليانة بالإكسسوارات والحرف اليدوية لتضيفوا لمسة خاصة على تيابكن هالصيفية.

ترفيه كتير منيح ناطركن بالمهرجان. استمتعوا بعروض مسرحية حلوة، وعروض موسيقية بتغيرلكن جو، وباراد وأجواء فرح وبسط فنية. جربوا حظكن بالمسابقات والألعاب المسلية، أو بس ارتاحوا واستمتعوا بالجو الفرحان.

الزغار ما رح ينحرموا من شي! في منطقة خاصة يلعبوا فيها و يفرحوا فيها مع ألعاب كتيرة و نشاطات مسلية وناطرن عرض لغنوى نهار الخميس 18 تموز.

مهرجان بنص جونية فعلاً مهرجان لكل العيلة. الكبار بيقدروا ياكلو أكل طيب، يسمعوا موسيقى حلوة، ويتفرجوا على منظر البحر، والزغار بيقدروا يلعبوا بالمنطقة الخاصة فيهن. الشباب رح يلاقوا حالن غرقانين بالجو الفرحان مع موسيقى عصرية و خيارات ترفيهية كتيرة. مع أسعار دخول مناسبة، المهرجان بيقدملكن طلعة صيفية مثالية للكل. ما تفوتوا الفرصة تشاركو بهالفرحة!

^{Credits: Annahar}

سعر بطاقة الدخولية 000 500 ل. ل. والدخول مجاني للولاد لي تحت 12 سنة. وبيطلعلكن 000 250 ل. ل. من سعر بطاقة الدخولية تشتروا فيهن شو ما بدكن يعني فعلياً بتكونوا دفعتوا 000 250 ل.ل. دخولية. ببلش المهرجان كل يوم من الساعة 6 بعد الضهر وبيستمر حتى الساعة 12 نص ليل.

للمزيد من المعلومات اتصلوا على 000 913 09

شوفوا كمان، أخيراً رجعت الباصات العمومية بلبنان.