بوردوا حالكن ببوظة منعشة من قلب بحيرة بنشعي!

كل سنة بالصيف، منحب نروح ع بحيرة بنشعي، نحنا وعيلتنا، لنقضي نهار مميز ع البحيرة، ناكل لقمة طيبة بمطعم البحيرة، وبعدين نعمل بيدالو و نتفرج على حديقة الحيوانات. هالسنة، صار في هالموقع تحسينات كتيرة! صار في محلات أكل دايرة من دار البحيرة، منقدر نلاقي فيها كل شي بدنا يا.

مفاجأة حلوة على البحيرة!

هلق، صار فينا نبورد قلبنا ببوظة منعشة من قلب بحيرة بنشعي! محل “O cream” الجديد بيعمل أطيب كباية ميري كريم رح تدوقها بحياتكن.

اختيارات كتيرة بترضي كل الأذواق!

بعد ما يعبولكن الميري كريم على شوكولا أو فانيليا حسب رغبتكم، فيك تزيدوا الطعمة اللي بدك ياها، متل النوتيلا، الفستق، أو أي شي تاني. وما تخافوا، رح يضيفولكن toppings كتير كتيرة كلها طيبة. وشو بدنا نخبرك عن كرم أهل شمال، ما رح يخلوكن تفلوا من دون ما تعبوا كبايتكن على الآخر.

شو في أحلا من إنكن تتلذذوا بالبوظة مع هالفيو الروعة؟ منظر غروب الشمس ولون السما بتزيد على جمال هالتجربة جمال.

غير البوظة، عندن قهوة لذيذة لمحبي الكافيين، و sundae غنية بالشوكولا أو الفريز والكاراميل رح تبوردلكن قلبكن هالصيفية.

البوظة بالسقعة بتدفي والبوظة بالشوب بتبورد القلب!

الأسعار بتبلش ب2$ وبتوصل ل 4.5$ يعني مناسبة لكل حدا بدو يبورد قلبو بدون ما يتك نيفتو.

العنوان: بحيرة بنشعي
الرقم: 677 777 81

شوفوا كمان، هيدا المحل بلبنان بيعمل بوظة بالكروسان بدل الكورنيه.