أخيرا، رجعت الباصات العمومية بلبنان!

أخبار حلوة لكل اللي عبالو يبرم كل يوم بلبنان! الباصات العمومية رجعت، وحتى أحلى من قبل! 96 باص للسير جديد عم ينزلوا عالطرقات، وهالمبادرة رح تغيّر وجه النقل العام. هالأوتوبيسات رح تبلش من بيروت كمرحلة أولى، ورح تكون عم تشتغل بكل البلد قبل أيلول.

بإشراف وزارة الأشغال العامة والنقل، هالمبادرة بتبرز شراكة ناجحة بين القطاع العام والخاص. الحكومة اللبنانية رح تشرف وتراقب الخدمة، بينما الشركات الخاصة رح تتعامل مع العمليات اليومية.

التذاكر والأسعار

في نوعين من التذاكر: تكت استخدام لمرة وحدة وكرت مسبق الدفع فيكن تعبوه من عند أي مكتب تحويل مصاري بلبنان. التنين فيكن تشتروهن من محطات الباصات اللي عم يشتغلوا على تحضيرها. بالمستقبل، حتقدروا تدفعوا باستخدام تطبيق على تلفوناتكن من خلال Touch عند الدخول والخروج من الباص. كل رحلة بتكلف 70,000 ليرة لبنانية.

حافلات النقل المشترك، شو بتتضمن؟

السلامة كانت الأولوية لهالمبادرة! الباصات مجهزة بكاميرات أمان بتصور السواق والركاب، لتوفير حماية إضافية. فيها كمان نظام تعقّب GPS لمراقبة خطوط السير بشكل فعّال ودغري قدامكن، وكل شي بيتم تنسيقه عبر غرفة تحكم مركزية. في كمان تطبيق مخصص رح ينزل قريباً، وبيوفر معلومات عن مواعيد وصول وانطلاق الباصات.

يمكن أكتر شي الناس رح تحبوا بهالأيام، خاصةً بالصيف هو انو هالباصات مجهزة بمكيفات AC.

خطوط السير المتوقعة:

ما في شي نهائي بعد بس هيدي هي خطوط السير والطرقات المتوقعة للباصات:

B1: نهر الموت – الحمام العسكري – نهر الموت

B2: نهر الموت – مار مخايل – نهر الموت

B3: مار مخايل – بيروت – مار مخايل

B4: العدلية – الجامعة اللبنانية – العدلية

B5: مار مخايل – كونكورد (فردان) – مار مخايل

B6: ساحة الشهداء – الدامور – ساحة الشهداء

B7: مار مخايل – خلدة – مار مخايل

ML1: العدلية – شتورة – العدلية

ML2: خلدة – صور – خلدة

ML3: نهر الموت – مستشفى بعبدا الحكومي – نهر الموت

ML4: نهر الموت – طرابلس – نهر الموت

مع توقع إضافة خطوط سير تانية لاحقاً.

شو الصعوبات اللي ممكن تواجها هالباصات؟

للأسف، بعد نهار واحد من التشغيل، الباصات تعرضت لهجمات من أصحاب الفانات اللي حسّوا انو تهدد مصدر رزقهن. ونحنا منأمل انو تكون حادثة فردية مش أكتر.

بهالباصات الجديدة، لبنان عم ياخد خطوة كبيرة نحو تحديث بنية المواصلات العامة، وعم يقدم بديل موثوق وآمن ومريح للتنقلات اليومية بالبلد.

لمزيد من الأخبار، شوفوا قسمنا على الموقع هون.