مطعم للعيلة مع أجمل فيو بلبنان!

اليوم رح نعرفكن على مطعم موجود ب بيت مري عندو فيو خيالية وطريقة بتحضير الأكل عمرها عشرات السنين. شو بدنا نخبركن عن هالفيو لنخبركن، من أجمل المناظر يلي ممكن تشوفوها بلبنان.

^{Credits: explorernico}

هيدا المشروع مناسب لكل يلي بحبوا الأكل الطيب والمناظر الحلوة، أو لكل حدا عبالو يجرب مطعم غير شكل عن كل المطاعم ليغير جو شوي.

شو ناطركن؟ قعدة تخت الصخرة، أكل، شرب، وأكيد منظر خيالي!

^{Credits: explorernico}

هالمطعم إسمو Tiger Restaurant وعمرو يمكن فوق ال90 سنة، وبقدم أكل لبناني روعة من القصبة والفراريج للتبولة والرقاقات وأطيب أطباق المازة اللبنانية. مش بس هيك، صحن اللبنة عندن سبيسيال بيعملوا مع صوصات مميزة وبتغمسوا في لقمة خبز غير شكل مع شوية خضرا فريش…. شي ببورد القلب.

^{Credits: explorernico}

غير هيك، القعدة وقت المغيب شي بياخد العقل، بتشوفوا الشمس عم تغيب ورا الجبال وبتتأملوا جمال السما وحتى حاطين كراسي دغري على الفيو بتخليكن تحسوا حالكن معلقين بالسما.

^{Credits: explorernico}

أما للعيل، بيقدروا يزوروا Tiger Restaurant بدون ما يعتلو هم الأولاد لإنو عندن ساحة وألعاب مخصصة للأطفال.

^{Credits: explorernico}

وليلي عبالو قعدة رايقة، لازم يطلع ع Tiger Restaurant وقت غياب الشمس ويسرد على هول المقاعد. قعدة بترد الروح!

^{Credits: explorernico}

العنوان: بيت مري
الرقم: 008 979 03

شوفوا كمان، ٤٠ مطعم مع قعدة على النهر والشلالات بلبنان.