ركوب الخيل ومسبح من فوق الجبل هون!

عبالكن تجربة أكتر من رومانسية مع شريكن هالصيف؟ ممكن عم تبرموا ع محل لتقضوا شهر العسل، أو لتصيّفوا بالجبل؟ طلعنا ع بعقلين لنجبلكن جوهرة مخفية بتعيّشكن تجارب مميزة. خلونا نعرفكن على ضهور، بيت ضيافة بجو رومانسي ونشاطات حلوة هالموسم.

بيت ضهور مهرب مميز هالصيف

هالبيت الضيافة رح يأمنلكن قعدة الأحلام، من فوق الجبل مع إطلالة خيالية للوديان. مكان مثالي لتستمتعوا بجمال بعقلين، تكتشوفها للمنطقة بعيونكن، وتنبسطوا بالهوا الحلو مع المناظر الساحرة.

إسترخوا بقلب مسبح من فوق الوادي، مع ترويقة بالميّ، ومرجوحة ع التراس. فيقوا الصبح ع جمال بيفوق العادي، وعيشوا وقتكن لحظة بلحظة مع شريك حياتكن.

مطرح بيوقف فيه الزمن، بتستأنسوا فيه بقعدة الرواق والهدا بعيد عن العجقة. بتقعدوا بعالمكن الخاص، ع تراس مفروش بالخضار، وبترتاحوا بقلب جنينة تحت فيّ الشجر وع صوت العصافير.

البيت عندو طابع صخري تراثي من برا، ومن جوا بعيّشكن الأجواء الريفية بأصغر التفاصيل. من الألوان الترابية، الديكور الخشب، والبساطة اللي بتحسسكن بالراحة النفسية. مطرح بتدخلوا عليه وما بتملّوا، قضوا نهار وليلة عندن وعملوا ذكريات ما بتنتسى.

بيت ضهور أكتر من بيت ضيافة!

من التجارب اللي بتلاقوها عند ضهور هي ركوب الخيل. عندن مساحة مخصصة للتدريب، بيعطوا دروس بالفروسية، وعندن مزرعتن الخاصة. ومش بس هيك، كمان فيكن تمارسوا هيدي الهواية الممتعة بنص الطبيعة، تركبوا على الأحصنة مع الشريك، وتروحوا تكتشفوا المنطقة لوقت غروب الشمس!

للحجز أو المزيد من المعلومات، اتصلوا على الرقم: 398 125 79.

وفيكن تابعوهن على الإنستغرام على حسابن هون.

خبرونا، عبالكن تطلعوا ع بعقلين هالصيف؟

شوفوا كمان، أجمل ٧ بيوت ضيافة مخباية بلبنان