لقينالكن أطيب سندويشة فتايل بنص الضاحية!

غرامكن الفتايل واللحمة؟ بتعرفوا انو بتقدروا تلاقوا أطيب سندويشة فتايل ببيروت من محل سناكات بنص الضاحية؟ تعرفوا معنا وين! على أوتوستراد هادي نصر الله تحديداً، ناطركن مطعم فتايل وردة لكل اللي بيرغب قلبو سندويشة فتايل محرزة ومعمولة ع أصولها، خلونا نعرفكن عليه. 

فتايل، كفتة، نخاعات، لسانات، روستو، سجق، سودة، وسندويشات كتير غيرن بتلاقوهن عند فتايل وردة. بتجربوهن بالخبز الأسمر أو العادي، مع أطيب صوص وأكرم لقمة. وحتى بتلاقوا بهالمنيو المتنوعة أكلات مميزة، متل سندويشة قريشة عسل، أو سندويشة عصفور التين، أو حتى سندويشة الورق عنب مع دبس الرمان، يعني بتطلع يا لطيف شو طيبة. 

بس عندن الفتايل قصة! بيعملوها مبهّرة ع القد ومقدمة ع أصولها. فيكن تجربوها مع رز بتطلع اسمها مندي الفتايل، أو بقلب سندويشة محشية لراسها بالفتايل، بندورة، وكبيس، ومغمورة بالطراطور، ومحمّصة ع الساب. بتشربوا عليها لبن عيران مسقع أو مشروبات غازية، وبتنبسطوا بكل لقمة بلقمتها. 

مطعم فتايل وردة بتلاقوا على أوتوستراد هادي نصر الله، بيضل فاتح من الساعة ١٢ الضهر، للساعة ١ نص ليل! يعني إذا راجعين ع البيت مأخرين وجايي عبالكن فتايل، هالمحل رح يلبي طلبكن. 

كمان عندن خدمة الديليفري على الأرقام التالية: 666 758 71 – 909 552 01. ما تنسوا تابعوهن ع حسابن على الإنستغرام هون لتشوفوا كل جديد! 

خبرونا، مجربين هالمطعم من قبل؟ وإذا لا، عبالكن تجربوا؟ إكتبولنا بالتعليقات مع مين!

بتحبوا عروضات الأكل؟ شوفوا هون: عرض كتير قوي: ٤ زينغر برغر بس بمليون ليرة!