أبرد بوظة بالعالم وصلت ع لبنان!

كيف فينا نبورد بهالشوب؟ نحنا لقينالكن حل طيب ومنعش بالصيف! صار فيكن تجربوا أبرد بوظة بالعالم من قلب لبنان وتحديداً عند ميني دوتس Minidots! مشوا نعرفكن على هالمحل اللزيز.

شو هي أبرد بوظة بالعالم؟ وشو بتفرق عن البوظة العادية؟

البوظة عند Minidots هي أبرد بوظة بالعالم، عبارة عن حبيبات مجمدة بشكل “كريوجيني” عند درجة -196 درجة مئوية، يعني ما بتتلّج متل البوظة العادية بالفريزر وبتجي مسقعة أد ما بتتخيلوا. 

والمميز بهيدي البوظة انو شكلها فريد، بيجي حبيبات مجلّدة مع نكهات أكتر من رائعة وغنية، وألوان مهضومة.  بتلاقوا نكهات الفواكة المحبوبة وكمان نكهات الإستوائية متل المانغو و الباشن فروت، مع إضافات شهية متل اليوغرت أو التشيزكيك أو البسكويت وغيرو. 

هيدي البوظة هي ألذ طريقة لتبوردوا هالصيفية، خصوصي بعد مشوار البحر أو المسبح كتير رح تنبسطوا فيها. 

وين بتلاقوا بوظة ميني دوتس؟  

 فيكن تجربوا أبرد بوظة بالعالم عند سويرلي، محل حلويات جديد ع شكل فان فتح من فترة بكورنيش المزرعة وعندو ألذ الحلويات للولاد. وقريباً، رح تقدروا تجربوا هالبوظة بساحة حمّانا، فتابعوهن على الإنستغرام هون لتعرفوا كل شي جديد أول بأول. 

بتقدروا تجربوا البوظة ببيروت كمان بتوصل ديليفري لعندكن،

 وكل اللي عليكن تتصلوا على الرقم: 144 507 71. 

خبرونا، مين بتعزموا على هالبوظة المتلجة؟

شوفوا كمان، ١٣ محل بيقدموا أطيب بوظة ميري كريم بلبنان