مطعم قاعد عالبحر بنكهة مكسيكية بجونية

أول ما تفوتوا على هالمحل بتحسوا حالكن بمحل برات البلد كأن سافرتوا على أكابولكو مع ديكورات مكسيكية تقليدية والمصابيح الخافتة وقعدات القش: مطعم ماراكاس.

ومش بس هيك، الأكل طيب، والمشروبات معمولين بطريقة كتير مميزة.

ما فيكن تفوتوا طبق”التاكوس” مع الحشوة والصوص المميزة والخضرا، وجربوا طبق “البطاطا المقلية” المعمول على الطريقة المكسيكية الخاصة بالمحل مع كل السلطات يلي بتحبوها، وما تنسوا تدللوا نفسكن بـ”المارغريتا المكسيكية” الغريبة بس اللذيذة.

جروبوا كمان شو ما بيجي عبالكن من أنواع الكوكتيلات الصيفية المنعشة عندن.

ألوان المحل كتير حلوة وأحلى شي بهيدا المحل إنو قاعد دغري على البحر يعني إذا عبالكن تبوردوا بتعملوا بس بدكن سبحة.

ومش بس هيك، عطول بجيب فرق غنائية لاتينية بيعملوا جو ولا أروع وبيجوا لابسين الزي المكسيكي التقليدي، يعني بتكونوا سافرتوا على المكسيك بدون ما تسافروا.

هالمطعم موجود داخل أوتيل Lamedina بحارة صخر بجونية.

العنوان: جونية
الرقم: 188 877 76

شوفوا كمان، شو قصة المطار السري اللي انهجر بلبنان؟