بيت ضيافة حجر مع قعدة أنتيكا بقلب البترون

رح نعرفكن اليوم على بيت ضيافة ساحر موجود بقلب منطقة البترون، هيدا البيت بتحسوا طالع من روايات ألف ليلة وليلة وجايبلكن كل التفاصيل الساحرة لي بتشوفوا ببيوت قديمة: بيت كينا.

أول ما تفوتوا بتلاقوا نافورة مي متل تبع إيام العثمانيي كتير مهضومة فيكن تسبحوا فيها وجنينة مع مرجوحة وشجر ومنظر على مد عينكن والنظر. عدا عن الجنينة، في قعدة ملونة مهوضمة مع كراسي قش لكل مين عبالوا يشرب فنجان قهوة بعد الضهر ع صوت العصافير والشجر ومع البرودات الحلوين.

المسا بتعملوا سهرة بالجنينة والصبح بتفيقوا على صوت العصافير والشجر وفنجان القهوة بهيك قعدة عنجد بترد الروح.

بس تفوتوا على البيت رح تشوفوا قدي هل بيت بسيط بس مكنكن بنفس الوقت، البيت حجر وفيو قناطر ومن جوا الديكور أنتيكا بلمسة موديرن غجرية بخليكن تحسوا رجعتوا بالزمن لورا.

هيدا البيت عندو قعدة تراثية وكأنو مشهد من فيلم بالزمن الجميل. شي خيالي وسحري عالآخر!

متروسة الحديقة بمقاعد مريحة ومراجيح وطاولات خرج picnic ، وكلها بتخليكن تشتهي فنجان قهوة مع منظر طلوع الشمس.

الأسعار بتبلش ب 130$ على الليلة مع ترويقة وبتوصل ل 250$

العنوان: البترون
الرقم: 012 323 03

شوفوا كمان، بيت ضيافة على شكل جزيرة زغيرة بالمي بلبنان