٦ مطاعم على شكل قصور بلبنان!

لبنان مشهور بتاريخو العريق وأكلاتو الطيبة، وهالشي كتير واضح بالمطاعم وبإنو البيوت والمطاعم الأثرية كتير حلوين. في كتير مطاعم بلبنان قاعدة بقصور قديمة كتير حلوين، ومتل حكاية ليلة وليلة بتاخدكن لعالم تاني. بهالنوع من المطاعم رح تقضوا وقت كتير مميز، رح تاكلوا أكل طيب وبتكونوا محاطين بهندسة معمارية كتير حلوة.

بهيدا المقال رح ناخدكن بجولة على ٦ مطاعم على شكل قصور بلبنان يللي لازم تجربهون وتاكلوا عندن. رح نخبركن شوي عن كل مطعم، وين موجود، شو نوع الأكل يلي بيقدموا، وشو أجواء المطعم.

إذا بدكن تجربة جديدة ومميزة بهالصيفية، ضروري تجربوا تاكلوا بواحد من هالمطاعم الحلوة كتير!

١. سابا، فاريا

فتشوا دوروا على القصر الحجر بفاريا، هونيك رح تستقبلكن ريحة الأكل يلي بتشق القلب، القعدة عندو بتشبه قعدة بقلب قصور الأحلام، رح تعشقوا المحل وكل شي في. عدا عن القعدة بالقصر، رح تعشقوا الجنينة والفيو الساحر وأكيد رح تاخدوا أجمل الصور.

الرقم: 444 676 70

٢. قصر البحيرة، الزعرور

قصر قاعد على البحيرة مع قعدة جبلية غير شكل، من جوا القعدة تراثية مع قعدة قناطر، أما برا القعدة دغري على البحيرة بس بتحسسكن إنكن بعالم تاني، عالم من الأحلام رح يخليكن تحسوا حالكن رجعتوا للزمن العثماني بلبنان. الأكل لبناني أصيل والجو ساحر.

الرقم: 779 111 71

٣. Beit el Comte، درعون

عبارة عن مطعم مع فيو رائع بقلب قصر عمرو ٤٠٠ سنة، القعدة على الكنبايات متل القعدة بقلب قصر قديم مع السفرة اللبنانية الأصيلة لي رح تنقلكن على عالم من الأحلام. وغير هيك تفاصيل المطعم الأنتيكا رح تنقلكن للزمن الجميل.

الرقم: 222 280 03

٤. قصر الوادي، حمانا

عبارة عن قصر حجر مع قرميد أحمر وعندو فيو جبلي ساحر على ضيعة حمانا، بتسردوها بقلب هالمحل لي بيشبه قصور الضيعة، بتاكلوا لقمة طيبة وبتوردوا قلبكن بكاس عرق وبتعيشوا لحظات استثنائية.

الرقم: 444 531 05

٥. قصر المير أمين، بيت الدين

عمرو فوق ال200 سنة، تحول لفندق فخم عام 1986 واليوم فيكن تطلعوا تزوروا أو حتى تعملوا عرسكن في. غير هيك فيكن تقصدوا لتاكلوا لقمة طيبة بقلب القصر أو برا بين القناطر.

الرقم: 924 900 03

٦. دير الأمرا، دير القمر

تأسس دير الأمراء سنة 1827 وكان قصر للمير بشير التاني وبعدين تحلو بأويتل ومطعم مع فيو بطير العقل على الجبل. بتجوا تاكلوا لقمة لبنانية طيبة بين القناطر الحجر والشبابيك الملونة.

الرقم: 935 119 71

شوفوا كمان، ١١ بانغالو مع جو رومانسي بلبنان.