جو تراثي وسفرة لبنانية مغنّجة عند مطعم المختار!

اليوم مشوارنا على مطعم إنشهر كتير بلقمتو اللبنانية الأصيلة! تخايلوا انو بس ١٠ دقايق من صيدا، بتاخدكن على واحد من أطيب المطاعم اللبنانية بالجنوب وبالبلد كلو! مطعم المختار من سنة ١٩٩٥ صار مطعم العيلة كلها ومقصد لكل محبي السفرة اللبنانية العامرة. 

مطعم المختار تراث لبناني بحد ذاتو!

عند المختار، بتعيشوا الأصالة والتراث كل لحظة بلحظتها! بيستقبلكن بجنسنايا ع ريحة الأكل اللبناني، بتقعدوا بين ديكور الأنتيكا، بتستأنسوا بالجو العتيق، وبضيّفكن أطيب فنجان قهوة عربية.

و ع قد ما حلوة القعدة جوا، ع قد ما ح تنغرموا بالقعدة برا ع التراس! قعدة بترد الروح ع صوت الميّ، تحت فيّ الشجر، مع ريحة الزيتون والورود، وسفرة مفروشة قدامكن من أطيب الأطباق اللبنانية الأصيلة.

مطعم المختار مقصدكن الأول إن كنتوا ضاهرين عيلة أو مجموعة، كتير مناسب للجمعات خصوصي إنو قعدتو شرحة وواسعة، عندو ملاعب للولاد يتسلوا ع راحتن، وبيعمل سهرات وحفلات موسيقية كل أسبوع. عندو خدمة ممتازة للزباين، بتروحوا بتجربوا أكل طيب من دون ما تعتلوا همّ شي، بتقضوا وقت حلو وكل شي بيجي لعندكن ع عزّ الطلب!

السفرة المغنّجة واللقمة الطيبة بس عند المختار!

لحمة، دجاج، سمك، شو ما بيخطر عبالكن بتلاقوا عند المختار! بيعمل المشاوي اللبنانية من دجاج ولحمة ع أصولها، المأكولات البحرية ع أنواعها من سمك طازة، قريدس، أخطبوط، وغيرو.

ونيّة المختار قصة! اللحمة النيّة دق بالجرن، الفراكة ع الطريقة الجنوبية الشهية، السودة طازة مع البصل والنعناع، وهيدا كلو ع كاس عرق بيفشّ الخلق! من أشطر المطاعم بتقديم الكبة النيّة ع أصولها.

سفرة المختار ما خلصت لأنو كل طبق مازة بينزل ع الطاولة مغنّج أكتر من التاني! بتلاقوا عندو كل الأصناف وألذها وكتير بتفنن فيها، من السلطات التقليدية الغنية، أطباق حمص ومتبل ولبنة بلدية طازة من مزارعن، للفتة والرقاقات والفتايل والسودة، وحتى عصافير ونخاعات ولسانات! يعني منيو شاملة لأطيب الأكلات اللبنانية، كل اللي عليكن تطلعوا عند المختار وتجربوا هاللقمة الطيبة. وحتى الخبز هني بيحضروا عندن طازة من الفرن، في أحلى من هيك؟

أفراحكن عامرة عند مطعم المختار!

إذا عرسكن هالسنة، مطعم المختار بيقدملكن صالة للأفراح مميزة، مع جو من الفخامة والرومانسية! ومش بس بالأعراس، كمان المختار بيلبيكن بكل حفلاتكن الخاصة، العزايم والأعياد، ومناسباتكن الحلوة.

للحجز أو المزيد من المعلومات، اتصلوا على 012 230 07 – 855 434 03 – 755 434 03. وما تنسوا تابعوا حسابن ع إنستغرام هون.

خبرونا، حبيتوا المشوار؟ ومجربين مطعم المختار من قبل؟