بيت ضيافة على شكل جزيرة زغيرة بالمي بلبنان

لح نعرفكن اليوم على Halat Sailing Club يلي هو عبارة عن مطعم وبيت ضيافة على البحر دغري ناطركن لتكتشفوا حياة البحر بلبنان.

المطعم عندو مأكولات بحرية على أنواعها وطازة على الآخر وقاعد دغري فوق البحر، يعني بتقعدوا على الطاولة إنتو وعم تاكلوا بتشوفوا البحر تحتكن ومش بس هيك عندن بار ولا أجمل من هيك بتحسوا حالكن بمطعم على البحر برشلونة.

بس تطلعوا على بيت الضيافة رح تلاحظوا قدي حلو الفيو حلو على البحر وقدي الديكور بريح النفسية، بسيط ومرتب كتير بيطغي علي الأبيض والأزرق. ومن الغرف فيكن تنزلوا على البحر بأي وقت بالنهار تسبحوا وتبوردوا قلبكن وكمان فيكن تقضوا نهاركن على البيسين لكل مين بحب هالقعدات.

عنجد هيدا المحل عبارة عن جزيرة زغيرة بالمي فيها كل شي عم تنبشوا على لعطلة صيفية ما بتنتسى.

مش بس هيك، ما وقفت الخبرية هون، هالمحل عنجد جزيرة مائية لأن جايبلكن كل شي في نشاطات مائية بتخطر عبالكن تجربوها بالصيفية متل: ال kayaking أو ركوب الأمواج، التجديف، التجديف على الواقف، ال sailing أو الإبحار وغرين كتير.

قد ما نحكي عن هالمحل بيخلص الحكي، صار وقت تاخدوا عطلوا حرزانة وتجو تعيشوا كل شي عبالكن تعيشوا على البحر، يعني اعتبروا حالكن سافرتوا كم يوم على برشلونة.

العنوان: حالات
الرقم: 566 983 03