بوظة رح يصير عمرها 100 سنة: تعرفوا على بوظة سالم!

إنتو وقاطعين بطريق الشمال وبعد ما تقطعوا المدفون، وبتوصلوا على ضيعة كوسبا، فجأة بتشوفوا اللافتة المكتوبة عليها “بوظة سالم“، هالبوظة رح يصير عمرها 100 سنة، صرلها من سنة 1930، أسس هالمحل عمو سليم هيكل الله يرحمو.

هيدي أكيد مش رح تكون صدفة عابرة! بوظة سالم أكتر من مجرد محل بوظة، هوي رحلة عبر الزمن لتجربة طعمة البوظة اللبنانية الأصيلة.

شو اللي بيخلي بوظة سالم مميزة عن غيرها؟

الجواب بسيط، الوصفات العائلية القديمة اللي بيتوارثوها من جيل للجيل. بيستعملوا أطيب المكونات الطازة، متل الحليب الطازة والموسميات الطازة وأنواع المكسرات المحمصة بدقة. كل شي شغل إيد بدون منكهات صناعية أو مواد حافظة، والطعمة لا يُعلى عليها من النكهة الطبيعية الأصيلة.

بتعرفوا شو التجربة المميزة ب هالبوظة؟

إنو بس يعبولكن القرن المشكل من الطعمات الشهية يلي بترغبوها، بغطولكن يا قدامكن بجاط صوص شوكولا داكنة بتتجمد بعد ثواني وهيك كل كدشة من البوظة بتكون مغلفة بالشوكولا المر يلي بدوب بالتم، عقد بساطتها هالبوظة، ع قد ما هي منعشة وبتبورد القلب.

بوظة سالم مش بس محافظة على التقاليد، بل بتتميز كمان بالابتكار. بالإضافة للنكهات المحببة على قلب الكل متل الشوكولا والفانيلا والفستق الحلبي يلي بقرمش، بتلاقوا كمان نكهات مميزة بالمحل، من بوظة كريم اللوز المغمسة بالشوكولا لبوظة القشطا الكريمية وقمردين للحامض والتوت وغيرها من الفواكة. مع هيدا المزيج الفريد بين الماضي والحاضر، أكيد رح تلاقوا نكهة بتناسب ذوقكن الخاص.

زيارة بوظة سالم مش بس زيارة عابرة، هي تجربة ثقافية شمالية أصيلة، ما فيكن تطلعوا على الشمال من دون ما تزوروا بوظة سالم وهلق نزلت لعندكن وصارت بالبترون وبقلب جونية، هيك بتبوردا قلبكن على أطيب بوظة بعد البحر أو فيكن تعبوا قرنكن وتتمشوا بسوق البترون.

كل حبة بوظة بتحكي قصة عن تراث لبنان العريق بتحضير البوظة. دواقة البوظة هون بمثابة رحلة عبر الزمن تتذوقوا فيها شغف وهوية لبنان.

مين عبالوا قرن بوظة من عند بوظة سالم؟

الرقم: 183 510 06

الفرع الأول: كوسبا من ال9 لل 10
الفرع التاني: البترون من ال 11 لل 11
الفرع التالت: جونية من ال 11 لل 11

شوفوا كمان، اختراع غريب عجيب: بوظة مقلية أو مشوية؟