دعاية مهضومة لفروج العبدالله عم تسبب بلبلة على الفاضي 

إعلان جديد لمطعم فروج العبدالله المحبوب بيعلن افتتاح فرعهن الجديد بفرن الشباك عم يسبب بلبلة على مواقع التواصل الاجتماعي. هالإعلان، اللي بيقدمو الكوميدي إيلي شمالي المعروف بمقابلاته المضحكة، تعرض لبعض الانتقادات المفاجئة من مستخدمي تويتر على خلفية النكت يلي موجودة فيه. 

متل عادته، برم شمالي على مشاة على كورنيش بيروت وسألهن: بتفضلوا الصدر، الرقبة، أو الفخاد؟ كم شخص جاوبوا بنكت مهضومة، والبعض منهن أكلوا ثوم العبدالله المشهور وباسو شريكهن على الكاميرا. 

للأسف، في بعض من الناس ما تقبلت هالنكت (مع انها مجرد نكت) ونزلوا تعليقات على تويتر عم يناشدوا لمقاطعة المطعم بسبب نكت مش عذوقهن.

(وكمان، شو خص؟!)

أكيد ما بدها هالقد، وصار عبالنا شي فروج من العبدالله!