٩ محلات لأطيب ترويقة حول لبنان

زهقتوا من نفس المشاريع وعبالكن تروحوا ترويقة على شي محل مميز؟ عم بتدوروا على تجربة ترويقة جديدة تمليلكن صباحكن بطعم لبناني أصيل؟ شوفوا معنا هال 9 محلات لي فيكن تزوروهن بكير لتعيشوا تجربة الترويقة اللبنانية الأصلية.

١. رايز، البترون

بتاكلوا أطيب ترويقة وبتعملوا أحلى صبحية بالبترون على شط البحر دغري. ترويقة لبنانية، مناقيش وقهوة وبيض عيون مع فنجان قهوة وهوايات البحر الحلوين.

الرقم: 703 919 03

٢. رصيف بيروت، الحمرا

شو حلوة القعدة برا بالصيفية بقلب بيت بيروتي عتيق على طاولات خشب وكراسي خشب وورد وكتب لتاكلوا وتتونسوا بالكتب على الصبحية وما تنسوا كاسة العصير المتلجة لتبوردوا قلبكن.

الرقم: 081 340 01

٣. خان جبيل، جبيل

قعدة جوات سوق جبيل العتيق ناطركن عند هالمحل، بتوصلكن صنية ترويقة لبنانية بلدية على أصولها مع فنجان شاي أكرك عجم.

الرقم: 599 544 09

٤. بيت، الأشرفية

عبارة عن بيت بيروتي تراثي مع قعدة جنينة بين الشجر والورد، فيكن تاكلوا ترويقة لبنانية مع كاسة عصير بتبورد القلب.

الرقم: 390 761 76

٥. قهوة السوق، بعقلين

عبارة عن كافيه مهضوم بالجبل بقدملكن ترويقة لبنانية مشكلة من مناقيش وقهوة وبيض عيون وصحن لبنة وسندويشات. وبس تخلصوا بتبوردوا قلبكن على كباية عصير.

الرقم: 632 889 78

٦. المندلون، ضبيه

القعدة على الفرندا بتشق القلب، بتطلبوا ترويقتكن على زوقكن وبتبلشوا نهاركن على المزبوط.

الرقم: 411 545 71

٧. بيت الجبل، دير القمر

عبارة عن بيت حجر تراثي مع فيو مميز على الجبل، بتقدروا تطلبوا ترويقتكن مع أجمل فيو على الصبحية.

الرقم: 767 160 71

٨. قهوة 60، صيدا

هيدي القعدة على البحر بتخليكن تحسوا حالكن بسلام وبترجعوا بس تفوتوا على القهوة بتشعروا إنكن رجعتوا لإيام الستينات من ورا التفاصيل الأنتيكا والترويقة المهضومة!

الرقم: 000 169 79

٩. صالون زحلة، زحلة

عند صالون زحلة، بترجعوا لزحلة إيام الزمن الجميل، عندن كذا نوع شاي غير لي معودين علين، فيكن تروحوا الصبحيات وتطلبوا ترويقة كلاسيكية من بيض عيون وجبنة ولبنة وصاج أو تغيروا جو مع سلطات النباتية وساندويشاتن المبتكرة.

الرقم: 661 442 81

شوفوا كمان، ٩ محلات بوظة بالجبل.