١٥ محل خيالي فيكن تعملوا فيهن عرسكن بقلب لبنان!

بتحلموا بعرس مميز كتير وبعبر عنكن؟ لبنان مليان أماكن كتير حلوة بتقدروا تعملوا فيها عرسكن، من الجبال والجنينات للطبيعة الخلابة، لقصور راقية وبيوت ضيافة بتخلي عرسكن يكون مميز. اليوم رح ناخدكن بجولة على ١٥ محل خيالي بتقدروا تحتفلوا فيهن بيوم عرسكن، كل محل عندو سحر خاص فيه. فإذا عبالكن عرس ملكي أو ريفي أو قريب من البحر، بهالمقال رح تتعرفوا على أجمل محلات الأعراس بلبنان!

١. Grand Sofar Hotel، صوفر

تخايلوا عرسكن بهل أوتيل من إيام الزمن الجميل، كل تفصيل رح يكون رومانسي ليخليكن تستمتعوا بنهار عرسكن من أول لحظة لغاية آخر لحظة.

الرقم: 720 218 01

٢. Skylodge، فيطرون

محل لتحتفلوا في بأجمل نهار بحياتكن بين الصخور مع أضوية خافتة وورود وشموع، القعدة تحت النجوم بهيك محل رح تاخدكن على إيطاليا لتتعشوا ع ضو القمر وتاخدوا أجمل الصور.

الرقم: 681 681 81

٣. كيف، جزين

بيت تراثي قديم و إله جنينة شرحة بقلب الطبيعة يعني كيف ما تبرموا بتشوفوا خضار وجمال بكل الزوايا، بخليكن تعملوا عرسكن بجو جبلي مليان خضار وورود، هالمحل رح يذكركن بأماكن الأعراس الريفية بإيطاليا.

الرقم: 449 441 70

٤. Domaine de Bherdok، بحردق

عرسكن رح يكون عبارة عن قعدة جبلية مميزة مع كنيسة حجر ومنظر بطير العقل.

الرقم: 037 207 03

٥. Domaine de Padoue، غبالة

هون فيكن تعملوا عرسكن بقلب الطبيعة، في كنيسة حجر أثرية مع منظر خيالي على جبال لبنان ومساحات خضرا خلابة، عرسكن رح يكون متل قصة خيالية.

الرقم: 323 219 70

٦. وادي الحرير، العربانية

هالمحل المميز بتقدروا تحتفلوا في بعرسكن بطريقة خاصة، تخايلوا قعدة القناطر حد البيسين مع إطلالة على الجبال الخضرا.

الرقم: 984 344 03

٧. كرم الجوز، تعنايل

بيقدروا عشاق الطبيعة يعملوا عرس أحلامن بين بساتين الكروم الخلابة، هالمحل بيعطي جو رومانسي ومريح ليوم مميز متل عرسكن.

الرقم: 977 014 03

٨. The Forest Venue، أدما

يلي عبالن يعملوا عرسن بقلب الغابة، ويحتفلوا بقلب الطبيعة هيدا المحل المثالي، يعني كيف ما بتبرموا بتشوفوا خضار وجمال بكل الزوايا، مساحات خضرا رح تخليي عرسكن مميز بكل تأكيد.

الرقم: 393 777 03

٩. Micheal Garden Wedding Venue، كفرحباب

من أجمل المحلات يلي ممكن تعملوا فيها عرسكن بلبنان، تخايلوا عرس مع منظر على البحر بطابع ريفي أنيق.

الرقم: 348 484 03

١٠. Aux Glycines، كفور

عرسكن رح يكون عبارة عن حفل فاخر وأنيق بهيدا المحل، الألوان الصيفية والورود الملونة رح تخلي عرسكن يحكي عن الرومانسية والأحلام.

الرقم: 325 465 70

١١. Aurelia Wedding Venue، بكفيا

هالمحل رح يخلي كل تفصيل بعرسكن مميز وفخم، عندو قعدة حد البيسين ومساحة خضرا مع منظر بطير العقل.

الرقم: 092 400 03

١٢. Swanlake Wedding & Event Venue، مار موسا

بحيرة مع وز ومنظر جبلي من أجمل ما يكون، رح تخليكن تحتفلوا بعرسكن بطريقة مميزة. تخايلوا القعدة والطاولات والديكور تحت ضو القمر جنب البحيرة.

الرقم: 500 669 03

١٣. Bois de Roses، فيطرون

هالvenue بتقدملكن عرس بين أحضان الطبيعة وبتتميز بقعدة حجر لتخلق جو دافي وأنيق.

الرقم: 278 793 03

١٤. Royal Castle، داريا

للي بيحلموا بعرس ملكي، هيدا المحل هوي المكان المثالي، قصر حجر بتصاميم وتحف فنية مع قعدة برانية ومنظر على الجبل رح يخلي عرسكن مميز على الآخر.

الرقم: 339 599 03

١٥. روستيكو، دير القمر

عبارة عن محل لتحتفلوا في بعرسكن وبيت ضيافة حجر مع ديكور بسيط وأنيق رح يعطوا عرسكن طابع خاص، بيتألف من جنينة كبيرة مع منظر خرافي على الجبل.

الرقم: 920 555 71