وأخيراً… قرية للولاد مليانة نشاطات بقلب لبنان!

اليوم رح نعرفكن على مكان ولا أروع، عبارة عن ضيعة زغيرة بقلب جبيل “Bmehrine Village“، فيها كل شي بتحتاجوا لعطلة عائلية ما بتنتسى. هالمكان في 4 شاليهات حجر بيمنحوكن شعور الراحة، بيسين بتسبحوا فيه وبتستمتعوا بأوقات الشمس، ومطعم لبناني بيقدم أشهى الأكلات الطيبة اللي بتحبوها.

الولاد رح يكيفوا لأن عندن مجموعة كبيرة من الألعاب والنشاطات الخاصة فيهن. في zipline بيخليهم يطيروا فوق الطبيعة ويشوفوا المناظر الحلوة، وفي playground فيه كل الألعاب يلي بيحبوها. وهيدا كلو تحت إشراف فريق محترف لضمان سلامتهن.

فيكن تجتمعوا كعيلة كبيرة بهالمكان، تتغدوا بأحضان الطبيعة، وتتركوا الولاد يلعبوا ويتسلوا، والكبار بيقعدوا بالمطعم وبيستمتعوا بالجو الحلو. هونيك، فيكن تسمعوا صوت الطبيعة، تروقوا أعصابكن، وتاكلوا تحت فيّات الشجرات. الجو الريفي الرايق بيخليكن تنسوا هموم الحياة اليومية.

إذا عبالكن تحتفلوا بعيد ميلاد ولادكن، هالمكان بيقدملكن فرصة مميزة. فيكن تعملوا عيد ميلاد ولا أحلى، بأجواء طبيعية وحلوة، والولاد رح ينبسطوا كتير بالألعاب ويعيشوا مغامرة ما بتنتسى.

الولاد رح يحبوا هالمكان كتير ويفلتوا بالطبيعة ويلعبوا بحرية. يلا ضبوا الشنط وتعوا على بمهرين لتعيشوا تجربة استثنائية مليانة فرح وضحك.

العنوان: بمهرين، قضاء جبيل
لمزيد من المعلومات والحجز، اتصلوا على الرقم: 222 682 81