بيسين بحضن الطبيعة وأجواء رومانسية عند هيدا المحل

اكتشفنا بيت ضيافة خيالي من أجمل بيوت الضيافة بلبنان! موجود بمنطقة إده جبيل وعندو منظر بطير العقل وأكتر من هيك محاط بالطبيعة والشجر والزهر.

عبارة عن بيت حجر قاعد بقلب الطبيعة ومخبى بين الشجر بس تفوتوا عليه بتحسوا حالكن فتوا على “تايلاند” بلبنان! ومش بس هيك عندن بيسين بقلب الطبيعة وكراسي لتتشمسوا جنبو.

ولمحبي الأجواء الرومانسية أكيد رح تعيشوا الرومانسية كلها من خلال هالتجرية! تتعشوا ع ضو القمر مع الإضاءة الساحرة أو تحضروا غروب الشمس. وأكيد تقعدوا بقلب الجنينة لأن في قعدة ملونة بتاخد العقل.

صح هوي بيت حجر من برا بس من جوا موديرن ومجهز بكل شي، وبساع لحد 12 ضيف برياحة. يعني رحلة عائلية كتير مميزة أو سهرة مع الأصحاب بتكون فوق الخيال.

فيلا بوتانيكا Villa Botanica، فيلا خيالية بقلب حديقة سرية ما حدا بيعرفها، بتاخدكن على تايلند لتعيشوا أحلى اللحظات من خلال المسبح بنص الجنينة.

هالبيسين من أجمل المسابح لي ممكن تشوفوها بحياتكن لأن معزول عن العالم كلها، وعن العجقة والضجة، وبيمنحكن شعور بالراحة والسعادة الروقان.

زوروا هالجوهرة المخفية وعيشوا لحظات مش عايشينها قبل بلبنان، بتحسوا حالكن عنجد سافرتوا على تايلاند، لهيك حضروا الكاميرا من هلق لتاخدوا أجمل الصور التذكارية وتعملوا أحلى الذكريات.

العنوان: إده، جبيل
الرقم: 559 884 03

شوفوا كمان، مطعم على شكل جزيرة بنص المي بقلب لبنان.