لقينالكن غرفة طايرة بقلب منتجع بلبنان!

خلص زهقتوا من المصايف العادية وعم تنبشوا على شي خيالي ومميز؟ تعو نعرفكن ع شي كتير مميز ومش رح تلاقوا بأي مطرح بلبنان!

تصوروا حالكن معلقين بالسما، محاطين بجو رومانسي ساحر، و قدامكن منظر بطير العقل على كل وديان وجبال لبنان الخضرا… هالحلم صار واقع مع غرفة طايرة جديدة بمنتجع سكابا Scappa Resort، واحد من أفخم وأجمل المنتجعات بلبنان!

سكابا منتجع فخم قاعد بقلب الغابة بين الشجر والجبال وجايبلكن تجربة فخمة من خلال البسين والمطعم والسبا الموجودين بقلب الطبيعة.

وهلق مؤخراً صار عندن تجربة جديدة بكسروان، تجربة خيالية ما كنا منحلم فيها…. صار في عندن غرفة طايرة بالسما.

متل ما عم تسمعوا، جايبينلكن هالتجربة المميزة بالصيفية اللي رح تخليكن تحسوا حالكن بين السما والأرض. هالتجربة عبارة عن أوضة طايرة بالسما مع فيو بطير العقل على الجبال والوديان ومش بس هيك وجاكوزي داخلها لتستريحوا وتتأملوا هالمنظر. كمان فيها تخت كبير ومريح للنوم بهدوء، وكنباية بتتحول لتخت كبير لشخصين، وحمام مجهز بكل شي.

إنغمسوا بجمال الطبيعة حولكن، وفيكن تقضوا يومكن عم تسترخوا بقلب المسبح لي قاعد بنص الغابة، يعني رح تشوفوا كل جمال الطبيعة قدامكن، منظر مش معودين علي، أو فيكن تدللوا حالكن بتجربة سبا مميزة على صوت الطبيعة والعصافير.

وأكيد هالمكان بقدملكن مطعم مميز وعندو كل الأكلات لي بتستحلوها من سلطات وطبخات بيتوتية وأطباق المازة اللبنانية والأكلات العالمية والحلويات.

القعدة بقلب الغرف الطايرة رح بتحسسكن إنكن معلقين بالسما وبين الغيوم. مين عبالوا يعيش هالشعور؟

العنوان: عجلتون

الرقم: 760 710 29

شوفوا كمان، ١٤ سبا مميز لازم تزوروهن بلبنان.