حزروا شو؟ عم بقولوا كاستينغ ستار أكاديمي 2024 بعد شهرين

بتتذكروا ضجت مواقع التواصل الإجتماعي سنة الماضي عن عودة برنامج ستار أكاديمي بعد غياب دام 8 سنين وما عدنا عرفنا شو صار! بعض صفحات فانزات البرنامج على انستغرام عم تحكي عن كاستينغ لموسم جديد بعد شهرين بس، بس المشكلة ما حدا عارف إذا هالحكي صح ولا مجرد شائعات.

في ناس عم تحكي إنو الكاستينغ رح يكون بالرياض أو دبي، وغيرن عم يشيروا لإمكانية إقامته ببيروت. غير هيك، في شائعات قوية عن شراء هيفا وهبي لحقوق عرض البرنامج!

صراحة، مش أول مرة منسمع عن عودة ستار أكاديمي بهالسنتين. من سنة 2023، والناس عم يحكوا عن الموضوع، بس لحديت هلأ ما في أي تأكيد رسمي.

شو اللي صاير بالضبط؟

مرق تقريباً حوالي الـ 8 سنين على آخر موسم من ستار أكاديمي (2016). صفحات فانزات البرنامج عالسوشال ميديا عم تنشر شائعات عن موسم جديد وكاستينغ بعد شهرين يعني بشهر آب. ما في أي تأكيد رسمي من أي قناة تلفزيون عن عودة البرنامج ولا في أي خبر أكيد عن موعد الكاستينغ أو تفاصيلو.

لحد ما تطلع أخبار رسمية، كل يلي عم نشوفوا مجرد حكي وفرضيات. بس هالشي ما بيمنع إنو كلنا متشوقين نرجع نشوف هالبرنامج من جديد! يللي عاش فترة ستار أكاديمي بكل مواسمو ببعرف شو يعني هالبرنامج. ساعات كتير حلوة قضيناها نتفرج عالحفلات واليوميات تبع الطلاب، ونشجع المشتركين اللبنانيين.

شو أولكن رح يرجع ستار أكاديمي يفرح قلوبنا من جديد؟

شوفوا كمان، ملكات جمال خاضوا تجربة الغناء.