١٣ محل بيقدموا أطيب بوظة ميري كريم بلبنان

بوظة الميري كريم، البوظة اللي رافقتنا من أيام الطفولة وأد ما كبرنا منضل نرغبها! إذا عبالكن تبوردوا معنا هالصيفية، خلونا نعرفكن على ١٣ محل بيقدموا أطيب بوظة ميري كريم بلبنان.

1. Merry Cream Alfred، سوق الزلقا

محل بوظة محبوب صرله من سنة ١٩٨٠ بيقدم بوظة الميري كريم المنعشة بالسوق!

الرقم: 446 894 03

2. بوظة بشير، كافة الفروع

بوظة بشير بغنى عن التعريف، بس بوظة ميري كريم عندو طبيعية ١٠٠٪ و مع وافل كون. مننصحكن تجربوها ع شوكولا!

3. Gelato Show، فروع كافة

مع انو جيلاتو شو مشهور بالبوظة الإيطالية، بس بيعمل بوظة ميري كريم غنية بالطعمة ومنعشة، وحتى بتلاقوا عندو كمان فرويو!

الرقم: 744 689 71

4. بوظة رشيد عطا، زحلة

ملك البوظة العربية بزحلة عندو بوظة ميري كريم كبيرة وشهية، مع قرن مقرمش وانتو بتختاروا الإضافات اللي بدكن ياها! كمان مشهور انو بيعمل الميري كريم بقلب كورنيه أناناس لتعيشوا تجربة لذيذة!

الرقم: 433 824 08

5. Frooza Booza – مار ميخايل، فردان، جونية، البترون

فروزا بوظة منزّل بوظة ميري كريم بقلبها صوص فستق حلبي ومزيج طعمات بيدوب بالتم! كتير مشهورين بالبوظة رول مع إضافات إستثنائية من فواكة وحلويات.

الرقم: 350 350 81

6. آيس كريم الملك، الشياح

هالمحل طوش الدني بالضاحية ببوظة ميري كريم ع أوريو وشوكولا، معرّمة لفوق و بس ب ١٥٠ ألف ليرة!

الرقم: 315 668 76

7. العنتبلي – أسواق بيروت، مار الياس، طبرجا، الحمرا

العنتبلي مش بس ملك الكوكتيل اللبناني ببيروت، بس بيقدم بوظة ميري كريم بتشهي، عبارة عن طبقات وطبقات من الطعمة الغنية!

الرقم: 326 739 01

8. LE NOIR Chocolat – برمانا، نقاش

هالمحل بيقدم وحدة من أطيب بوظة ميري كريم بالشوكولا، وكتير بيتفنن بالحلويات الفرنسية.

الرقم: برمانا 140 717 03 – نقاش 835 354 81

9. Sally’s scoops & smiles، زوق مصبح

رح نخبركن عن ٣ شغلات ضروري تجربوها عند سالي: ميري كريم ع مانغو المنعشة، كوكتيل الفواكة، وبوظة القشطة مع فستق حلبي!

الرقم: 065 063 76

10. LeCremier ice cream، فروع كافة

لو خطر عبالكن ميري كريم بمشواركن ع البحر بالبترون، أو ع الجبل بدير القمر، هالمحل رح يقدملكن ميري كريم من الحلم!

الرقم: البترون 863 825 78 – الأشرفية 491 742 76 – صربا 652 936 09 – دير القمر 928 293 03

11. بوظة مارون، بشري

مع هوايات بشري المبوردة وبوظة الميري كريم المنعشة، كتير رح تنبسطوا هالصيفية مع بوظة مارون!

12. Pop Up Treats، الجميزة

اللي بيميز هالمحل عن غيرو انو بيقدم بوظة الميري كريم بنكهات شرقية، متل البرازي، الفستق الحلبي، الحلاوة وغيرها. وأكيد بتلاقوا عندو الطعمات المحبوبة مع ألذ الإضافات.

الرقم: 484 943 03

13. Bliss House – الحمرا، المنارة، وسط بيروت، بحمدون

انتو وعم تتمشوا بشوارع بيروت، ميلوا على هالمحل البوظة وجربوا عندو الميري كريم ع فريز وشوكولا!

الرقم: الحمرا 290 366 01 – المنارة 826 373 01 – وسط بيروت 555 984 01 – بحمدون 290 262 05

شوفوا كمان، تعرفوا على ٩ محلات بوظة شغل إيد بلبنان!